BS CK2 Nguyễn Thị Thanh Thơ, Phaok Khoa Lâm sàng 3, Sang iek ruak Da liễu TP HCM brei thau, tui pathau khan bahrau ini di nyaom biai khoa học yaok thun Dom dhar kapul Da liễu TP. Hồ Chí Minh, hu 2 urang njauk ruak giang mai ác tính. Abih 2 urang ruak ni jeng njaom HIV saong hu bruk ndih daok tình dục đồng giới.

Urang ruak camereip lac urang likei (umo 19 thun, daok di Đồng Tháp). Duah thau ka ruak kik, urang ruak khan lac bhian nao iek ruak di rilo chuyên khoa di tỉnh piah taong ruak brah khớp, gam haong rilo labik laka sraiy laneh di cambuai, di kang. Yaom lac hu taong ruak meng jru kháng sinh, kháng viêm saong patrun pandik min oh cadu hu hagait. Duh hatai, urang ruak nao tal Sang iek ruak Da liễu, tapa dut iek, mboh lac urang ruak njauk ruak giang mai ác tính. Bruk njauk biai nan lac, urang ruak bhian ndih daok, quan hệ đồng giới haong labaih 2 urang saong hu chẩn đoán lac njaom HIV meng 5 thun dahlau, daok taong ruak meng jru ARV.

Bác sĩ Thơ khan lac: "Kol dahlak medil urang ruak njaom giang mai meng ruak HIV nan ye tacei pato urang ruak ngak xét nghiệm sàng lọc taong abih dom janih ruak njaom mbak tapa jalan ndih daok, tình dục. Tapa nan mboh lac urang ruak njauk ruak giang mai ác tính, taong ruak meng Penicillin G tui jalan ba tabiak".

Dreih yau nan, sa urang ruak umo 27 thun, dahlau daih njaom HIV saong hu ndih daok, tình dục đồng giới, mai iek ruak tuk laka kalik jaik gilaong taok 1 bilan. Khám kalik abih rup mboh hu rilo laka mbang dalam tame, sraiy laneh mbau bruk, oh pandik, di gah anak tanye, tian, jaik gilaong taok. Dom labik laka thu, mbaok laka hu kakah kapal sambo jhuk. Urang ruak hu dut iek saong mboh lac giang mai ác tính. Hadei di tuk taong ruak tui jalan ba tabiak, mboh kalik siam veik jaik abih.

Tui bác sĩ Thơ, ruak giang mai ác tính hu tukvak pa-auk ruak katut panak, camereip abih ruak ngak brei rup pandiak, sru la-an, pandik talang talaih … Kalik tamuh tagok dom tanut, mun laka mbang dalam tame ngak brei sraiy laneh, mangaok mbaok hu tal kakah kapal yau kanduh sò, sambo nâu atau jhuk.

Bruk chẩn đoán tabiak meng iek ruak pambuak haong dut iek cận lâm sàng. Meyah oh hu chẩn đoán saong taong ruak aval, ruak meda tagok bak abih rup, pambak tal hệ tim mạch, hệ thần kinh trung ương, tal meta, tanye, talang talaih, tung pruac, thận niệu" – bác sĩ Thơ lac yau nan.

Bác sĩ Thơ jeng brei thau lac: "Urang ruak taong ruak hu siam haong jru kháng sinh penicillin G, gam haong nan, kol dahlak jeng tui iek lac hu hagait halei oh hadei di klauk jru Penicillin ka urang ruak".

Giang mai ác tính biak takik gaok, meda ngak kan kandah tal hệ cơ quan saong mbuan metai. Ruak ini njauk sahneng tal tuk hu urang ruak njaom HIV, hu ndih daok, quan hệ tình dục đồng giới, hu laka saong pandik abih rup saik. Ruak meda taong ruak hu siam tuk hu taong ruak aval, taong ruak njauk saong ginup kháng sinh tui jalan taong ruak di sang iek ruak./.