Cúm manuk ada A/H5N1 lac ruak cúm kayua virus cúm A/H5N1 ngak tabiak ka dom janih cim brim, athur hu tasau saong anek manuac. Virus cúm A/H5N1 meda njom mbak meng labik raong ini tapa labik raong karei tapa khan aw, takhaok… Virus cúm hu rilo dalam chất bài tiết yau ye ia idung, ia pabah, khak manuk ada ruak, dhun mun saong taneh haluk.

Daok ngan haong anek manuac meda njauk njom mbak ruak kayua taom gaok jaik haong manuk, ada njauk ruak tapa raong glang, pajeng ba, sik ralaow, ngak pandap mbang, mbang menuk ada saong pandap ngak meng ralaow manuk, ada ruak ka oh hu riak tasak atau ngak oh hacih saat.

Tuk urang njom ruak cúm A/H5N1 bhian mboh deih yau ruak cúm mùa. Urang ruak pandiak glaong chip, meda labaih 38 độ C, pandik cada, kan suak yava ... gam haong pandik tarakaong, patuk, pandik akaok, glaih glar dalam rup.

Ruak cúm A/H5N1 di manuac rah tabiak samar ngak kan suak yava saong ba tal metai mayah oh hu taong ruak samar drah. Tui prein yava di yaok urang boh dom ruak meda karei di gauk.

Kayua ka oh hu vaccine pacang caga ruak saong jru piah taong ruak, nan ye piah caga pacang dahlau ruak njom mbak meng manuk, ada tapa manuac, Cục Y tế dự phòng, Mintri Y tế kakei mikva ngak siam dom bruk yau ini:

Oh mbang, oh sik ralaow manuk, ada saong dom pandap meng ralaow manuk ada njauk ruak, metai saong oh thau cambaih asal di nyu. Njauk mbang tasak, manyum tasak, rao tangin meng xa bon. Oh mbang dahrah tiết canh.

Oh pajeng ba, pablei salih manuk, ada saong pandap ngak meng ralow menuk ada oh thau cambaih asal di nyu.

Mayah mboh manuk ada ruak, metai oh sik ralaow mbang bo njauk pathau khan chip ka karja palei saong gah thú y thau.

Takik taom gaok haong sruh jit ruak, abih di nyu nan lac manuk, ada njauk ruak. Mayah njauk gaok haong urang ruak, manuk ada njauk ruak ye brei cuk pataik pacang mbaok, cuk camin, muot, cuk khan aw khik pacang rup pabhap. Rao tangin meng xabon atau ia pamatai anek ruak dahlau saong hadei di tuk taom gaok.

Urang hu ruak dalam rup, uranaih lac dom urang mbuan njauk ruak kum, jhui taom gaok labik hu ruak. Langik salih tapa laar njauk mbang, manyum, padeih padai lagaih piah tagok prein khang daong pacang caga ruak. Tuk mboh pandiak, patuk, pandik cada, kan suak yava njauk nao samar drah tal bilai y tế piah hu tacei pato, iek ruak saong taong ruak samar drah./.

Urang lang: Thu Thảo – 03/11