Tui TS.BS Lê Ngọc Duy, akaok khoa Cấp cứu saong pacang jru mek, Sang iek ruak uranaih Trung ương, hu 4 kadha brei mboh tuk uranaih njauk jru mek pandap mbang. Gah jalan tung pruac, uranaih njauk pandik hatian, glaoh ta-aok, taglong, aih craoh. Gah jalan suak jaya, uranaih patuk, suak yava samar, kan luai suan, tím tái. Gah thần kinh, uranaih cako ndaoh, yuh tangin takai, yuh ndaoh cơ (di mbaok, cada, pha, tangin), yếu cơ hadei di nan lac metai cơ; trak jang lac metai cơ suak yava, srau dhau nhịp tim atau var drei jan. Langiu di nan, uranaih meda hu rilo labar, dịch jalan tung pruac, aia hauk, aia tabah. Kayua yau nan ye tuk medhil lac uranaih njauk jru mek, dom amaik ame njauk caik hatai tal dom hagait jaik taphia piah duah tabiak dom janih pandap medhil lac jru mek saong iew phon tal sang iek ruak piah hu tacei pato jalan sơ cứu ka nyu siam laghaih. Tuk ba uranaih nao tak sang iek ruak, njauk ba tui dom janih pandap medhil lac ba tal njauk jru mek.

Tui bác sĩ Duy, tuk uranaih njauk jru mek pandap mbang, khaol drei njauk iew cấp cứu atau samar drah pajeng ba uranaih tal balai iek ruak jaik di abih. Siam di abih njauk caik ka uranaih padeih saong tui iek bruk kurang aia (ma-hu aia, cambuai dalah thu lagu, nao me-ik takik) kayua glong taglaoh ta-aok, aih craoh  piah pabak aia ka nyu ginup.

Brei ka uranaih menyum dung dịch oresol piah khik ginup aia saong điện giải. Meyah uranaih pandiak glaong meda pandar dom janih jru trun pandiak yau paracetamol 10-15 mg/kg/sa mbang, menyum atah di gauk 4-6 tuk sa mbang (rilo di abih lac 0,5 g/sa mbang saong 2 g/sa harei). Brei padeih mbang dom janih pandap mbang, jru menyum medhil lac ba tal njauk jru mek, khik veik taong abih kaya mbang daok labaih, khak, pandap taglaoh ta-aok, jru pandar piah ba mao dut iek.

Njauk caik hatai tui iek uranaih siam veik hadei di tuk njauk jru mek pandap mbang. Brei ka uranaih mbang dom janih mbang mbrang, lamar yau súp, aia bu, aia bai piah khik ginup dinh dưỡng saong mbuan mbang jang. Juai brei ka uranaih mbang biak rilo dalam sa van, meda parabha jeng rilo van mbang dalam sa harei. Brei uranaih mbang pabak sữa chua, njam patam that hijao, baoh karaoh yau patei, medar piah daong ka jalan tung pruac saong patagok vitamin. Tuk uranaih siam gilac veik pren yava, brei huak lisei, mbang har meneing saong dom janih pandap mbang karei.

Plaih dom janih pandap mbang ngak kan ralai saong mbuan ba tal glaoh ta-aok yau pandap am cuh meng menyek, pandap mbang hu rilo menjek limek.

Uranaih njauk jru mek pandap mbang brei hu padeih padei rilo jang, plaih ngak hagait khang. Amaik ame siam abih njauk brei ka uranaih ndih avan jang, ndih ginup mon. Juai ngak hagait hu sap yava prong meda ngak brei uraniah ndih tatuak drei.

Bác sĩ Duy brei thau, bilan hè anak tal, langik pandiak bhang lac laghaih ka vi sinh vật tamuh tabiak. Kayua yau nan ye, piah pacang caga bruk njauk jru mek, uranaih njauk rao tangin hacih haong sabon dahlau di tuk mbang menyum. Khik piah pandap mbang labaih saong dom janih kaya karei dalam tu la-ar meyah khaol drei oh ka pandar tal. Ngak pandap mbang tasak haong nhiệt độ siam laghaih saong khik piah dalam hộp hacih. Oh caik ka uranaih mbang menyum bo oh hu bruk mong iek di urang prong. Oh pandar veik pandap mbang klak mboh yau si khut. Pasang iek ka nyu cambaih laih tuk vak pandar dom janih pandap tame paok, tame kadung dahlau di tuk pandar./.