Urak ini, gah y văn dunya mboh hu labaih 200 janih ruak ung thư. Yaok janih ruak ung thư hu dom kadha brei thau karei di gauk, mbuan maluk haong dom janih ruak karei di prein yava bo drei bhian gaok.

Camriep abih lac bruk pang mehit dom sap oh thau meng halei mai, atau dreih yau hu thei nan daok ieu angan drei, meda lac bruk brei mboh ka ruak tâm thần, min jeng meda lac janih aval brei mboh di ung thư. Sarau kadhau dalam bruk pang mahit bhian kayua bruk tamuh tabiak di sa khối u daok di thùy thái dương, lac labik glo akaok langyah dom sap yava, thau cambaih sap ndom panuac puac saong mã hóa trí nhớ. Kayua yau nan ye dom chuyên gia y tế kakei lac urang halei mboh hu ảo giác ini njauk nao tal dom labik y tế chuyên khoa piah pasang iek samar drah.

Bruk ka 2 bhian mboh lac “khak ndaong tagok”. Pang mboh lac kan jia min dom khối u ung thư dalam tuyến tụy meda pacang dom ống dẫn, ngak trun bruk ngak tabiak enzym saong mật, lecithin, sara mật saong chất nhũ hóa. Mayah oh hu phản ứng gah dalam ini, chất béo dalam pandap mbang oh ralai tabiak jeng janih karei hu, ngak ka khak meda hanjul jang, sambo taba jang saong ndon tagok. Kadha ini ini oh tantu lac ruak ung thư tuyến tụy, min mayah gam haong bruk oh khin mbang huak, glaih glar, nhiệt độ glaong saong kalik kanjik ye njauk nao pasang iek prein yava.

Kakau tangin salih sambo mau jeng lac bruk njauk caik hatai. Bhian di nyu kakau tangin hu sambo mau hồng nhạt, hadah jangaih, không gợn. Mayah mboh hu dom jalan sambo hijao, nâu atau jhuk di mala kakau tangin meda  lac njauk ruak ung thư kalik. Bruk salih karei kakau tangin meda jeng meda lac ruak ung thư phổi saong kakau tangin salih tapa sambo patih blait meda pambuak tal ruak ung thư gan.

Patui di nan lac tangin, takai ngak bruk oh daok khang kadang, oh khik tapak hu. Sa urang hu prein yava khang kadang blaoh gam gam ngak laik pandap, dang oh tapak, lamin lamuac, meda lac sa kadha brei thau di ruak ung thư não. Kadha ini biak mbuan njauk urang praong thun klaak tapa saong saneng lac kayua umo thun taha; daok dom urang ranaih ye saneng lac kayua ngak bruk glaih glar atau njauk rối loạn tiền đình, trun darah. Min, tui dom chuyên gia y tế, njauk caik hatai saong oh klaak tapa dom kadha halei, abih di nyu nan lac tuk mboh hu saong dui atah dalam rilo harei.

Jeng tui dom urang roh duah, bruk oh daok chreih chrai haong bruk drei takre meda lac kadha brei thau ka ruak ung thư gilo akaok. Makna lac tuk khối u praong tagok meda kateik tagok dom tế bào khang kadang vil val nan. Mayah khối u daok di thùy trán, lac labik pasang iek hatai sahneng saong jalan diukrai di sa urang manuac, ye jalan diukrai di urang nan meda salih karei chip.

Bruk tuh ia huak biak rilo tuk langik pandiak, tuk daok pahat rup atau daok ruak kik lac bruk bhian gaok. Nan jeng lac kadha brei thau di rilo janih ruak, dalam nan hu gam tukvak mãn kinh, haduh hatai, saradang dalam darah bier. Min, mayah drei ndih tagok bo rup drei bak ia huak saong dui atah rilo harei, ye meda lac dom kadha di ruak ung thư hạch không Hodgkin, ung thư trung biểu mô, ung thư talang saong gaok mai lac ung thư gan…

Pataom veik meda ndom lac, taong abih dom kadha mangaok nan lac bhian gaok, meda lac brei thau ka ruak karei oh njauk lac ruak ung thư. Min mayah mboh khang saong dui atah, njauk nao tal bác sĩ piah hu iek ruak./.