Ruak brei mboh tapa bruk tamuh rilo baoh ia bhong meriah rilo mbang di mangaok sa labik kalik haong rilo tanut karei di gauk, hu baoh ia jangaih, baoh ia mambeik atau ndaong kakah. Meyah iek glang oh njauk, dom baoh ia meda ngak brei viêm kalik veik di labik viêm klak, caik veik laka dalam tame kalik. Dahlau di abih, amaik ame njauk ba uranaih nao chip tal labik y tế hu khoa Nhi piah hu bác sĩ pasang iek. Tui menuac tui ruak, dom bác sĩ meda tacei jalan taong ruak di sang atau ba tame sang iek ruak. Tui jalan pasiam ruak ini rilo meng lac pagam tame taong ruak triệu chứng, patrun pandiak, patrun katal, pacang oh brei ka uaranaih kakaih baoh ia ngak pacah saong pambak tabiak rilo jang.  Ngan saong uranaih njauk ruah ndaih baoh ia – tagok cuac pa-ok oh bội nhiễm meda taong ruak di sang. Bruk amaik ame njauk caik hatai lac ngak njauk tui tacei pato saong jalan pandar jru di bác sĩ, nao iek ruak veik njauk harei sanya. Hadar pandar ia jru hijao methylen atau thuốc tím 1/4000 piah luk tame baoh ia tuk nyu pandung ia pacah tabiak. Kayua uraniah njauk baoh ia nyu katal saong pandiak, nan ye dalam tuk iek glang, taong ruak di sang, brei tui iek tani tanat, meyah mboh uraniah hu hagait karei oh siam, brei ba uraniah nao chip tal labik y tế daok jaik di abih piah pasang iek samar drah.

Meyah bác sĩ hu tacei brei pandar jru pacang virus, jru cadu pandiak, cadu pandik saong dom vitamin…, amaik ame brei ngak njauk tui panuac kakei di bác sĩ. Amaik ame oh eng drei pandar jru ka uranaih, oh pandar takik atau rilo jang, kayua lac meyah pandar suan jru meda ngak brei ruak trak jang. Oh pandar Aspirin piah cadu pandiak. Kayua cuac pa-ok mbak tapa jalan suak yava saong taom gaok tapak haong ia di baoh pandung, tuk uranaih njauk ruak, amaik ame njauk brei ka uranaih ruak daok karei mbiah tal tuk abih ruak. Brei ka uraniah daok bilik karei, laneing lahơi, hu ia harei, dalam 7 tal 10 harei, mbiah tal tuk dom baoh ia nyu thu kakah abih. Gam haong nan, brei khik hacih dhung, tarakaong yaok harei meng ia sara sinh lý 0,9%. Salih khan ao saong menei ia yaok harei meng ia pandao hacih, piah plaih bội nhiễm angaok kalik. Brei ka uraniah cuk khan ao praong, hanjul, lapih, tanyiak lamin, njuk ia hauk. Cakak kakau tangin ka uranaih, khik brei kakau tangin hacih atau pandar harum tangin, plaih nhiễm trùng kalik kayua uranaih khrao saluah dom baoh ia. Meyah uranaih pandiak glaong, meda pandar dom janih jru pandiak, cadu pandik bhian hu pandar, min brei tui tacei pato di bác sĩ. Amaik ame oh sah khang, plaih ngak pacah dom baoh ia kayua nyu mbuan pambak tabiak saong meda ngak jeng laka daok veik suai lavik./.