Tui bac si chuyên khoa 2- Vũ Anh Lê – Sang iek ruak Mata Trung ương,  langyah chip njuak jalan  tuk hu hagait tame meta, njauk meta  meda plaih hu dom kan kandah di mata biak trak damak saong daong ka dom bruk langyah hadei di nan hu siam lagaih, rik daong ka bruk pasiam veik  mata hadei di nan  hu siam jang. BS tacei pato jalan langyah  di sang tuk meta njauk hagait atau hu hagait tame meta yau hadei di ini:

Tuk meta njauk di gah langiu mata, yau ye jhih meta, gilaong meta, labik tabiak ia meta:  meyah nyu paoh tame ngak brei jum jhuk jhih meta, brah saong jum jhuk vil val meta, njauk mek băng, tanyiak pacang meta veik blaoh nao tal labik iek ruak meta daok jaik di abih piah hu pasang iek, taong ruak. Meyah labik paoh tame nyu tahak saong sraiy nduac darah, njauk ngak ka darah nyu padeih nduac, meda pandar jru njaoh meta saong băng meta veik, blaoh hadei di nan samar drah nao tal labik iek ruak meta piah hu jhik veik.

Daok meyah njauk gah dalam meta, ye rao meta mala nding ia nduac. Meyah thur mur, pasei nyu tame meta: plaih jalah, jali mata kayua ngak yau nan meda ngak ka thur mur, pasei nyu klauk tame dalam jang atau ngak saluah asar meta. Njauk pik malang mata tame ly ia hacih daong ka pandap dalam mata nduac tabiak langiu. Mayah oh hu, njauk nao tal labik y tế iek ruak gah mata piah mek tabiak. Meyah pandung meta, yaom lac kayua makna hagait jeng njauk rao mata chip pak di labik meng dom janih ia hacih hu blaoh, rao dak rilo dak siam (meda caik mata di mala nding ia nduac piah rao atau caik mbaok tame dalam dalam kathuan ia praong piah rao meng 5 tal 10 minit).

Meyah pandung cur,  njauk mek cur tabiak dahlau di tuk rao mata, kayua cur gaok ia mata meda jaru tagok ba tal pandung pandiak. Hadei di nan, băng mata saong ba tal tal sang iek ruak chuyên khoa mata biak samar drah oh caik suai damuai.

Daok meyah meta hu hagait klauk haluh, gam hu ia labar, meluk darah: băng mata chip saong brei ba nao tal labik iek ruak meta daok jaik di abih, oh rao mata meng ia saong oh eng drei mek dom pandap yau ye haluk, patau, gai… klauk dalam mata tabiak. Băng mata hanjul tangin, oh kateik khang kayua dom labik dalam meta mada mblo tabiak abih. Njauk băng pacang atau pandar khiên pacang piah daong khik mata hu gilaong meda siam lagaih jang./.