Uranaih tagok boh ia dalam tangin song mboh pandiak
BS Nguyễn Thu Hường, Akaok Khoa ruak nghề nghiệp, sang iek ruak Thanh Nhàn (Hà Nội) brei thau: “Meng bloh, hu dom urang ruak pandiak tabiak drah tame sang iek ruak tuk ruak trak. Makna lac, langiu di hatai huac nao tal sang iek ruak, khin tong ruak di sang kayua huac jit ruak; dok kayua hu dom urang ruak sahneng drei njauk COVID-19 song hu klauk 3 mbang vaccine bloh, nan ye hu hatai sahneng iek lap. Min, tuk pandiak glong tal harei ka 3, urang ruak meng nduac tame sang iek ruak ye thau lac njauk ruak pandiak tabiak drah song ruak daok dalam tuk tiểu cầu trun dalam, biak kan kandah”.
Abih di nyu nan lac, dom dấu hiệu piah thau neh rabha ruak COVID-19 song pandiak tabiak drah lac: Urang njauk ruak pandiak tabiak drah, bhian pandiak biak glong meng 39 - 40 độ C; urang ruak mboh pandik akaok , pandik cambaoh rup. Dok urang njauk COVID-19, kayua, urak ni, jaik abih rahra hu klauk vaccine pacang ruak nan ye dom triệu chứng bhian hanjual, urang ruak mboh pandiak, min pandiak takik, bhian meng 38 - 38,5 độ C.
Bác sĩ jeng hu panuac kakei, pandiak tabiak drah brei hu thau song tong ruak chip, kayua sa dalam dom biến chứng biak huac di ruak pandiak tabiak drah lac bruk trun tiểu cầu. Trun tiểu cầu di urang ruak pandiak tabiak drah, meda ngak brei srau kadau khal drah, sraiy drah di rilo labik dalam rup pabhap, ba tal tabiak drah dalam glaow akaok, tabiak drah di jalan tung proic, sraiy drah mala klik, sre drah di lin tagei... abih di nyu lac tabiak drah dalam tung prauc ngak ka urang ruak laik tame kan kandah, mbuan metai
Dalam tuk jit COVID-19 jeng dok hu gam song bruk tamuh tabiak ruak pandiak tabiak drah ngak ka rilo urang mboh meluk, urang ruak brei caik hatai sangka tal dom bruk yau: Tuk urang ruak mboh pandiak glong, nan lac hu phản ứng bất thường di rup pabhap, njauk nao tal dom labik y tế piah iek ruak, duah tabiak makna./.
Urang lang: Hanipha- 23/6
Viết bình luận