Ruak kakah kalik:

Ini lac ruak lành tính, min biak kan taong ruak. Ruak kakah hu tế bào kalik metai samar saong rilo jang jaik 10 mbang urang oh njauk ruak. Ruak ini ba tal dom triệu chứng langiu kalik hu dom klaih bhong, gah angaok hu tal mbong yau kakah ikan kayua tế bào kalik metai ngak jeng. Dom tal kalik tapok meda pambak prong tabiak di labik kalik akaok, labik kalik akaok ta-uk, labik kalik kuk kieng, saong nyu meda pambak prong tabiak taong abih rup meyah oh pacang cakak hu. Ruak caik ka nyu trak jang meda tamuh dom akaok mun hu laneh thu saong kaoh. Meyah kakah di kakau tangin, kakau takai ye di dom labik nan mboh nyu thu lagu, tapal tagok, mbuan jaoh… Ruak ngak brei katal, kan daok…

Tuk kalik thu, meda mbuan ngak ka ruak tamuh khang, ndaih kakah rilo jang. Kayua yau nan ye, jalan ngak piah pacang caga akaok mereip nan lac khik pasah ka kalik.

Pabak ginup aia: Yaok harei njauk kanal hadhar saong menyum ginup jaik 2,5 lít aia.

Pandar mac jamriak ngak jeng độ ẩm dalam duk bilik meyah hu peih điều hòa piah ngak jeng labik khik pasah ka kalik.

Patrun căng thẳng: tuk căng thẳng ruak kakah mbuan si tamuh veik.

Oh pandar janih pandap vệ sinh kalik hu prein rao khang. Njauk pandar sữa tapai mbaok, sữa menei, menyek tapao akaok… oh hu hương liệu... Hadei di nan pandar kem raong kalik ka kalik mbaok saong kalik di rup pabap.

Tuk ruak daok tamuh khang, njauk nao iek ruak di labik iek ruak kalik piah hu tacei pato jalan taong ruak. Kayua ini lac ruak mạn tính, oh ka hu jalan taong ka nyu abih ruak, nan ye njauk kham merat ngak tui njauk jalan taong ruak, nao pasang iek ruak njauk tui tukvak ba tabiak.  

Ruak katan kalik cơ địa:

Dom hagait bhian mboh nan lac kalik thu lagu dui atah sui lavik, di labik kalik njuak ruak ye nyu jhuk, kapal tagok, ca-ai karac; mbuan si ndaih baoh meyah taom gaok haong dom janih ba tal dị ứng…

Dom hagait bhian mboh tuk ruak tamuh khang, lac: Ndaih rilo mban bhong; di mbaok kalik hu ndaih mun aia sit, kaoh. Meyah mun aia pacah, meda sraiy laneh ngak brei barah, ndaih kakah. Meyah hu bội nhiễm ngak jeng laka lakaih, mun laneh, brah pandiak; di labik kalik njauk ruak mboh katal, pandiak harao saong brah pandik.  

 Ini lac ruak mạn tính, nan ye oh taong ruak abih hu, min meda pasang iek hu meng dom jalan ngak yau hadei ini:

+ Luk kem dưỡng ẩm: Kalik thu lac makna dang akaok ngak ka ruak viêm kalik cơ địa mbuan tamuh gilac veik, kayua yau nan ye, pandar kem dưỡng ẩm piah ngak lamar kalik meng 2 – 3 mbang yaok harei daong ka kalik plaih di thu lagu ngak brei nhiễm trùng.

+ Pandar janih pandap vệ sinh (menyek tapao akaok, sữa menei, sữa tapai mbaok…) saong janih pandap ngak siam ka kalik (kem dưỡng, serum…) brei ka kalik mbuan ruak.  

+ Hu chế độ mbang menyum saong jalan diuk rai khang kadang: Plaih mbang pandap mbang mbuan ngak brei dị ứng. Yaok harei, puh ramik sang danaok ka nyu haci hacih; plaih taom gaok haong thak pakao hala saong labik hu rilo dhul mun, njaom nerak tachauk.

Langiu di nan, juai menei tapa 20 minit sa mbang, njauk menei meng aia pandao salih ka ia  pandiak atau aia la-ar.

Meyah ruak tamuh gilac veik, njauk nao iek ruak di bác sĩ iek gah ruak kalik piah hu tacei pato brei jru menyum, brei jru luk. Juai eng drei blei jru mai luk atau tauk dom janih hala, kayua lac mbuan ba tal bội nhiễm kalik biak glaong./.