Thun 2020, Việt Nam hu labaih 1.700 urang njauk ruak bahrau saong jaik 1.000 urang metai kayua ung thư bàng quang. Bác sĩ chuyên khoa 2 Nguyễn Thị Hương Giang, Trưởng khoa Nội tiêu hóa trên saong hệ tiết niệu, Sang iek ruak K Trung ương brei thau, jaik abih urang ruak ung thư bàng quang jeng hu umo labaih 40 thun min dom bác sĩ jeng hu taduan urang ruak daok biak ranaih.

Ngan saong urang likei praong thun saong urang taha, ini lac ruak bhian gaok di abih hadei di ruak ung thư tiền liệt tuyến. Abih di nyu lac, dom urang likei njauk ruak bhian glaong jang 3 mbang urang kumei. Jaik 70% dom urang ruak ung thư bàng quang bahrau njauk ruak hu chẩn đoán lac ung thư bàng quang nông (tukvak aval). Bác sĩ Giang ndom lac ung thư bàng quang oh hagait piah huac meyah hu thau lac ruak di tuk bahrau  ruak.

Di tukvak ini, urang ruak hu blac raih mek khối u pak di labik, hadei di nan pandar dom jalan daong pabak. Ruak biak mbuan tamuh veik, bhian tamuh veik di labik klak. Bác sĩ chuyên khoa 2 Nguyễn Thị Hương Giang brei thau: "Meda lac, ung thư bàng quang tukvak aval hu maong lac mạn tính jang ác tính kayua mboh lac siam min, yaom lac meda ngak ka urang ruak glaih glar nao mai pasang iek ruak veik, tui iek ruak piah taong yaom ruak trak, hanjul yau habar. Kayua yau nan ye, urang ruak jhui duh hatai rilo".

Bruk mbuan mboh abih di ruak ung thư bàng quang:

Me-ik hu darah lac bruk bhian mboh di abih. Dalam ung thư bàng quang, me-ik gam darah bhian lac me-ik hu darah tui mbang, me-ik darah taong abih, oh pandik.

Nao me-ik hu darah jeng meda hu mboh di urang khang kadang oh hu ruak kik hagait atau urang hu tổn thương lành tính. Tui roh duah, jaik 2.000 urang ruak me-ik hu darah mboh tal 60% oh hu bruk hagait karei.  

Tuk me-ik hu darah di urang likei umo mangaok 40 thun bo oh duah hu makna karei, Bác sĩ brei taong yaom taong abih hệ thống tiết niệu.

Me-ik catang, me-ik kan, me-ik oh tui hatai, ia me-ik sambo ma-mbeik kayua bàng quang njauk kích thích njauk patrun thể tích jeng lac bruk bhian gaok, bhian hu dahlau di tuk me-ik hu darah. Tuk mboh ia me-ik sambo ma-mbeik jang yaom lac hu menyum ginup ia, njauk nao pasang iek ruak, dut iek ruak.

Langiu di nan, urang ruak ung thư bàng quang meda njauk viêm nhiễm jalan tiết niệu; gar jalan tiết niệu kayua khối u lih tame atau kayua cục darah khal veik.

Tuk ruak di tukvak suai, di căn atah, dom triệu chứng bhian cambaih laih jang yau pandik tapen ka-ing, pandik mangaok talang braok, pandik labik hạ vị, pandik tầng sinh môn, pandik talang, pandik akaok ... Glaih glar, lavang lavaih, lah mbang, trun kilo samar jeng bhian mboh di tuk suai saong bhian lac jhak.

Dom kadha nan oh ka tantu lac urang ruak njauk ruak ung thư bàng quang kayua nyu jeng hu mboh di dom urang ruak lành tính. Min tuk mikva mboh dalam rup hu dom kadha nan, njauk samar drah nao tal bác sĩ./.