Rilo urang sahneng lac menyum ia yamen lagaih piah pabak ia dalam rup di bilan pandiak. Min, ia yamen, nan lac janih hu gas saong hu caffeine meda ngak trak jang ka bruk lahik ia dalam rup pabhap. Caffeine ngak mbuan jal pandik me-ik, ngak tagok ia me-ik njauk pame-ik tabiak, meng nan ngak ka rup pabhap lahik ia saong ndik maik. Langiu di nan, yamen ngak ka drei mboh la-an mbiah anak meta mbuan ngak ka drei sahneng suan ka bruk mahu ia, ngak ka urang menyum ia oh thau rup pabhap drei daok lahik ia trak. Kayua yau nan, dak meyum rilo ia yamen, rup pabhap dak lahik ia dalam rup rilo jang, ngak glaih glar, klaoh prein, having akaok, saong dalam bruk trak meda ba tal mebuk pandiak, shock pandiak chruh la-an dalam rup.

Uranaih saong urang bahrau jeng dam jeng dara lac kapul umo mbuan njauk kanjah jhak rilo abih, kayua he thong salih janih daok patagok saong bruk randap menyum ngak kanjah jhak khang kayua bruk yaih khan di angaok mang xa hoi.

Menyum ia yamen bhian ngak ka rup pabhap ngak ka rup pabhap gam gam pambuak saradang dalam darah tagok glaong, ngak ka jalan tụy njauk ngak bruk biak rilo piah tathuak insulin – hormone daong patrun saradang dalam darah. Brei ka suai atah, rup pabhap meda jeng bruk pacang insulin, ngak jeng bruk ba tal ruak me-ik saradang type 2. Njauk ndom mayai di nyu nan lac dalam bilan pandiak, urang gaok ruak me-ik saradang atau dom urang mbuan gaok ruak me-ik saradang brei caik hatai caga. Bruk menyum ia yamen meda ngak ka saradang dalam darah tagok samar, ngak glaih glar, having meta, gaok mai ba tal dom bruk trak meyah oh hu pasang iek dil samu.

Oh lac ngak srau kadau dalam rup pabhap, ia yamen daok lac yau abilik saiton di prein yava tagei pabah. Dalam ia yamen hu gas gam haong saradang glaong lac makna dahlau abih ngak haluh tagei, halak mbang tagei, barah ling. Dalam bilan pandiak, tuk ia pabah tabiak takik jang kayua lahik ia, ngak mbang haluh tagei dak harei dak khang jang.

Tui dom roh duah, urang menyum rilo ia yamen meda ngak mbuan gaok ruak gan njom lamek oh kayua alak glaong jang dut haong urang oh menyum. Ini lac bruk pataom lamek di gan, di suai atah meda ba mai tal xơ gan, gaok mai ngak ung thu gan.

Piah pacang khik prein yava dalam bilan pandiak, rahra brei salih bruk takre menyum ia yamen dalam bilan pandiak. Dom panuac di urang jru dinh duong dalam nan hu:

Menyum ginup ia haling hacih: Ini lac bruk pabak ia siam karo, siam mekre saong siam lagaih di abih.

Kham menyum ia baoh karaoh yau ye ia li-u, ia baoh kayau that oh hu saradang, ia kruac aik lai brai, taiy hala hareik.

Patakik menyum ia yamen hu gas saong ia tagok prein, abih di nyu nan lac dalam bruk pandiak atau pasram pahat padih.

Puac bac tantu dom ndap nda piah pasang iek saradang pabak tame rup pabhap.

Pachreih uranaih menyum ia halang salih ka ia yamen, ngak jeng bruk bhian randap meng sit./.