Trun darah ieu lac kayua kurang darah bak dalam rup rup trun biar jang 90/60 mmHg. Hu rilo kadha ngak ka dalam rup trun darah, dalam nan meda kayua mbeik rup katuak drei tuk tagok biak samar meng tuk daok daok atau tui ndih biak suai saong rup pabhap drei oh meda pabak darah tal glo akaok.

Trun darah hadei di tuk mbang huak meng 1 tal 2 mong lac kayua pabak ia oh ginup; Kurang prein dinh duong; Mbang biak taba, kurang sara atau duh hatai… brei ngak trun darah.

Langiu di nan, dom ruak (yau ye ruak baoh hatai, srau kadau dalam tung hatian…), metian; Menyum jru taong ruak atau labik darah atau inem laka, shock phan ve, shock kayua njom anek ruak… jeng ngak brei trun darah.

Trun darah meda ngak tamuh tabiak dom bruk yau ye: having akaok, mebuk; Var drei; having meta; Pandik akaok; Langek atau si langek; Mboh glaih glar, laman lamuac prein yava, tangin takai calaih calaoh; Kalik kableic; Tangin takai la-an, lagah laguai; Baoh hatai paoh ndaoh samar; taglaoh ta-aok.

Jaik abih dom bruk trun darah oh hagait, oh hu mboh di mata dom hagait ngak huac. Min trun darah mada tamuh ralo ruak karei:

Mebuh dan saong jaoh laka kayua mebuh: Rah tabiak kayua trun darah ngak having akaok saong langek. Mebuh meda ngak jaoh talang, ngak bala dalam tung tian ka tal tuk ngak kan kandah tal bruk matai diuk.

Shock: Trun darak ngak ka dalam rup kurang darah njauk lagaih piah ngak, ngak kan kandah tal tung hatian atau shock.

Dom asal kadha ka baoh hatai atau matai rup dot quy: Trun darah ngak ka baoh hatai kham merat piah pabak darah ka rup pabhap. Tui tukvak meda ba tal bruk kurang baoh hatai saong kurang prein baoh hatai.

Meyah trun darah blaoh oh mboh hagait atau mboh njuel njuel ye urang ruak njauk caik hatai brei ngak:

Menyum sa glaih ia ia taiy hu laya, ia sâm, kopi, ndap kaya mbang hu rilo sara… atau menyum ia taba halang; Mbang sa sit chocolate saong daong pacang khik daneing arak darah.

Daok dala padeih padei, meyah jeng ye brei ndih padei, mek patal guon akaok saong guon takai, brei guon m takai glaong jang akaok.

Menyum jru tui harak kakei di bac si (meyah hu) tuk bruk hu pasiam kanmbe dalam rup, urang ruak daok tagok hasit hasit dan dan, brei mbeik megei tangin takai sit sit dahlau tuk daok dala tagok.

Meyah ruak oh mboh padam atau oh pamadam trun, urang ruak brei nao taom bac si pasang iek ruak piah duah janih ruak meng halei mai. Dalam rilo bruk ye bruk trun darah meda ba tal dom bruk ruak karei.

Tuk njauk trun darah gam dom bruk having akaok, khin taglaoh aok, oh khik hu drei jan, patuh ia hauk… ye urang ruak brei daok dala atau ndih padei. Meyah pagam tui bruk brei mboh kan kandah yau kan si thuak yava, cambuai kableic ye brei ba urang ruak nao tal sang iek ruak.

Trun darah meda ba tui shock dalam nan hu dom bruk brei mboh yau ye tableic abih rup pabhap, hatai ndaoh samar, arak darak laman lamuac, la-an rup pabhap ye brei ieu daong samar chip piah ba urang ruak nao tal sang iek ruak piah hu bac si pasang iek saong taong ruak.

Urang trun darah brei menyum rilo ia; Pabak sara dalam var mbang huak yaok harei, sara pabak tame brei sua tangi bac si; Pabak pandap mbang hu ndam, vitamin B; Patakik menyum alak menyum mbia; Langiu di nan, bhian brei pasram pahat padhih rup saong bhian pasang iek prein yava, pasang iek darah meng jamraik mac dut iek darah di sang./.