Rilo roh duah brei mboh kein laba di bruk pasram pahat nao takai yau ini:

Nao takai daong pasang iek hu teik trak di rup pabhap, patrun lamek labaih dalam rup, daong ka rup pabhap hu siam mekre, khang kadang. Hu thau, nao takai 1,6km, rup pabhap meda am cuh hu jaik 100 calo.

Nao takai daong khik caga talang, ngak ka talang khang kajap, daong pacang cakak lamin talang. Meng nao takai, dom talang hu raong siam, mbuan njaom canxi saong phospho hu patagok, jhul kadun lakuk bruk lamin talang, abih di nyu lac di urang taha saong urang kamei tuk mãn kinh.

Nao takai daong ngak brei ndih bingi, plaih var anak var lakuk di urang taha, praong thun: Nao takai di tuk malam ngak brei ka drei ndih bingi, kayua nao takai di tukvak ini ngak brei tamuh tabiak nội tiết tố serotonin, ngak ka drei yau hu padeih padei hadei di sa harei ngak bruk glaih glar.

Nao takai siam ka jalan suak yava saong hệ tuần hoàn, nan ye patrun hu dom ruak yau ye: ruak mạch vành, đột quỵ, tagok darah.

Langiu di nan, nao takai daok ngak brei trun cholesterol di dom menuac hu cholesterol glaong dalam darah, takik njauk ruak ma-ik saradang saong ruak ung thư tung taha,

Hu 2 tukvak siam abih dalam harei piah pasram pahat rup:

Nao takai di tuk mesup hu taong yaom lac daong tagok prein “trao đổi chất” siam jang duk haong tukvak karei dalam harei, saong tukvak ini langik tasik siam jang saong takik jar var jang duk haong nao takai di tuk biar harei saong malam.

Tukvak siam abih piah nao takai lac meng mon 5 tal mon 7 tuk ia harei bahrau tagok, rup pabhap tuk ini siam di abih piah nao takai. 

Nao takai tuk melam. Rilo menuac nao takai chip hadei di tuk mbang huak melam blaoh, ngak yau nan lac suan. Bruk mbang huak blaoh nao takai chip meda ngak jhak ka dạ dày yau ye pandik, saluah saong rilo bruk oh siam karei karei. Langiu di nan, jeng oh njauk nao takai di tuk lavik malam. Tukvak siam piah nao takai tuk malam lac meng mon 4 biar harei tal mon 7 malam, ini lac tuk rup ngak bruk siam di abih, phổi di drei ngak bruk siam jang saong talang talaih rup saik oh daok khang yau tuk mesup.

Hu 5 janih nao takai hu siam di abih:

Nao takai yam samu gauk: Mikva yam takai samu gauk lac hu.

Nao takai suai damuai: Bruk nao takai suai damuai bhian lagaih haong dom menuac praong thun atau urang bahrau siam veik hadei di tai biến oh ka megei khang hu.

Nao takai samar: Nao takai samar siam ka urang lamek khin trun kilo, dom menuac khin abih rilo calo jang saong menuac khang kadang jang.

Nao takai ndik kanyan: Nao takai ndik kanyan jeng lac siam ka bruk trun kilo kayua nyu abih rilo calo. Min bruk pasram pahat ini oh lagaih ka urang taha praong thun saong urang hu ruak talang talaih.

Nao takai haong jamriak nduac điện: Ini lac jalan ngak siam, lagaih haong dom urang biak jar var oh hu mon nduac gah langiu./.