Hu rilo menuac daok maluk di bruk klauk vaccine COVID-19 mbang pabak haong mbang ka 3
Urak ini daok hu rilo urang maluk di bruk klauk vaccine COVID-19 mbang pabak haong mbang ka 3 (mbang klauk veik mbang ka 1). Ndem ka bruk ini, TS.BS Phạm Quang Thái - Akaok jabat klauk jru peih praong gah Barak di Viện Vệ sinh dịch tễ Trung ương brei thau cambaih:
Mbang klauk pabak brei ka dom urang trun prein pacang ruak atau klauk dom janih vaccine bo mboh lac njauk klauk veik bahrau meng mek hu bruk pacang caga jit ruak (pagap yau Vaccine Vero Cell, Sputnik V);
Daok mbang klauk veik lac mbang klauk patagok, bhian klauk hadei di 3 tal 4 bilan hadei di tuk klauk mbang cơ bản piah khik bruk pacang caga jit ruak di tanut glaong di abih.
"Ndem ka nyu mbuan thau ye bruk klauk mbang ka 3 vaccine COVID-19 daong khik bruk miễn dịch di tanut glaong; daok bruk klauk mbang pabak – oh lac mbang ka 3 daong ngak salah bruk miễn dịch cơ bản" - TS.BS Phạm Quang Thái lac yau nan.
Klauk vaccine COVID-19 mbang pabak ka dom urang halei?
Tui TS.BS Phạm Quang Thái, tui tacei pato bahrau abih di Mintri Y tế ndem cambaih lac bruk klauk mbang pabak (mbang ini oh njauk lac mbang ka 3) ka dom urang umo meng 18 thun tagok, dalam nan hu dom urang trun prein pacang ruak mbiah saong trak yau dom urang daok taong ruak ung thư tích cực ngan haong dom khối u atau ung thư darah;
Urang cấy ghép nội tạng saong daok manyum jru pacang kateik miễn dịch; urang daok taong ruak meng jalan thụ thể kháng thể tế bào T (lac bruk taong ruak daong ka hệ miễn dịch taong tame saong pametai dom tế bào ung thư) atau hu cấy ghép tế bào gốc ; urang trun prein pacang ruak nguyên phát mbaih atau trak; urang njauk ruak HIV jaik thit ruak atau oh hu taong ruak tích cực corticosteroid atau dom janih jru pacang kateik miễn dịch glaong.
Urang hu klauk ginup mbang cơ bản meng vaccine Sinopharm (Vero cell) atau vaccine Sputnik V.
Vaccine hu klauk lac janih vaccine yau vacxin di mbang klauk cơ bản atau vaccine mRNA; atau vaccine Astrazeneca ngan haong dom urang hu klauk ginup mbang cơ bản meng vaccine Sinopharm (Vero cell).
Tukvak klauk: klauk 1 mbang pabak hadei di mbang klauk puac abih di mbang klauk cơ bản meng 28 harei tal 3 bilan./.
Urang lang: Thu Thảo – 07/07
Viết bình luận