Nội soi dạ dày lac bruk duah thau tapa thaot binguk, tapa thaot binguk brei mboh cambaih ka thực quản, dạ dày, hành tá tràng, tá tràng. Thaot binguk ini hu daong ka dom bác sĩ mbuan mboh bruk oh siam oh lagaih di do janih nan. Langiu di nan, nội soi tiêu hóa jeng hu pandar piah pasang iek ung thư, samar mboh hu ung thư tung taha, dạ dày. Bruk nội soi biak salamat, tok hu sa bruk meda gaok lac saluah niêm mạc, ngak brei nduac sraiy darah, nhiễm trùng, tahak haluh.

Nội soi dạ dày urak ini meda hu ngak tapa jalan dhung atau cambuai, langiu di nan, urang ruak meda pilih ruah jalan nội soi dạ dày gây mê. Yaok jalan ngak jeng hu siam mekre atau oh siam mekre karei di nyu, lagaih saong hu ngak ka yaok urang ruak cambaih laih.

Jaik abih urang ruak tuk hu tacei brei ngak nội soi dạ dày jeng biak huac, oh brei ngak ba tal klaak tapa tukvak duah mboh saong taong ruak meng aval Meyah nội soi oh gây mê, bác sĩ pandar nding nội soi ba tapa tarakaong tal dạ dày, nyu ngak brei mboh biak kan daok, yau ye pandik, kan suak yava, khin taglaoh ta-ok… nan ye y học harei ini hu duah tabiak saong pandar bruk nội soi dạ dày oh pandik, oh gây mê.

Nội soi dạ dày tapa jalan cambuai mbuan ngak saong mboh hu cambaih laih jang. Min kadha oh lagaih praong abih di nội soi dạ dày tapa jalan cambuai lac pandar nding lamin, praong, ba tapa cambuai, gaok dalah saong tarakaong nan ye ngak ka urang ruak khin taglaoh ta-ok, mboh huac tuk ngak. Rilo urang ruak ngak tui jalan ini ngak brei saluah tarakaong, pandik harao tarakaong hadei di tuk nội soi.

Piah klah di pandik, bác sĩ meda ba nding nội soi tapa jalan cambuai, tuk urang ruak hu gây mê blaoh. Siam lagaih di jalan ngak ini, lac urang ruak oh taglaoh ta-ok, oh kan daok atau mboh huac tuk nội soi.

Urang ruak tok hu gây mê dalam 5 - 10 minit piah nội soi, hadei di nan thau kadrei veik chip nan ye oh jhak hagait rilo tal prein yava. Bruk gây mê ini hu ngak tuk bác sĩ caong ngak dom bruk raih karei oh pandik saong salamat jang. Min yaom jien ngak jeng glaong jang nội soi thông thường, ngak suai jang kayua brei gây mê, dut iek.

Kayua nội soi samar mboh ung thư lac bruk njauk ngak ka yaok anek menuac kol drei. Urang ruak hu ba chreih chrai hatai sahneng dahlau di tuk nội soi. Caga pandap mbang hanjul ka urang ruak hadei di nội soi blaoh (yau ye bu, mỳ, ia tasau, ahar…). Meyah nội soi gây mê brei hu gauk gar nao tui. Ngak brei hacih sa-at cambuai meng klung pabah  saong tarakaong meng ia sara sinh lý. Oh mbang dom pandap mbnag khang, pandiak, hang saong dom janih alak, mbia, pandap kích thích./.