Urang trun saradang dalam drah mbuan si pandik akaok
Dom kadha brei thau lac trun saradang dalam darah oh yau gauk di yaok urang ruak. Min bhian mboh di tuk jiak tal var mbang song hu sa atau rilo kadha dreih gauk yau ni: gleih chip oh thau kayua halei; pandik akaok, having akaok lamin drei jan; mboh biak lipa; sre ia hauk; parin takai tangin; takai mboh trak damak; suh sah dalam rup; tateik tangin; tateik drei, boh hatai nduac samar; hu tuk khin glaoh taaok .
Meda pacang caga trun saradang dalam darah, pasang iek saradang dalam rup pabhap meng dom jalan yau hadei di ni:
Mbang njauk tuk, oh caik tian lipa, atau caik ka rup lipa biak lavik, jhui ein mbang bo pasram rup pabhap tapa pren yava. Oh brei klaak var mbang mesup, abih di nyu nan lac urang taha, uranaih, dom urang hu ruak lavik dalam rup, prein yava oh khang kadang. Njauk ba tabiak tukvak ka dom var mbang. Njauk parabha sit dom var mbang dalam harei .
- Patagok chất xơ meng dom janih asar ngũ cốc, yến mạch, dom janih baoh kayau, njam patam, boh karaoh
- Bruk trun saradang dalam darah di tuk melam biak jhak ka prein yava. Kayua yau nan ye, meyah mboh lipa dahlau di tuk nao ndih atau tuk saboh mesup, harei hadei pasang iek saradang dalam darah bo mboh bier jang yaok harei, gam hong mboh gleih glar, njauk pabak sa var mbang, dahlau di tuk nao ndih.
-Pasang iek saradang dalam darah gam gam song iek ruak tui njauk tacei pato di dom bác sĩ, oh eng drei menyum jru atau padeih jru tuk mboh ruak cadu, tuk halei jeng ba tui rup saradang atau dom pandap mbang hu saradang yau kẹo, har, socola dalam kadung, piah caga tuk rah tabiak trun saradang dalam darah, hu pandap mbang chip …
- Dom urang ruak ni jeng brei pasram pahat rup pabhap, njauk ba tui dom janih yau kẹo yamen, piah tuk mboh yau trun saradang dalam darah, brei mbang chip.
Siam di abih, piah thau cambaih bruk dalam rup, drei njauk nao iek ruak di bác sĩ chuyên khoa , piah hu tacei pato saong hu jalan taong ruak cambaih laih./.
Urang lang: Hanipha- 17/2
Viết bình luận