Ruak bhian gaok rilo di abih lac uranaih sit dalam umo meng 6 bilan tal 5 thun

Tui bác sĩ Nguyễn Trọng Nghĩa, Phó yam ndok Sang iek ruak uranaih Đồng Nai, Adenovirus tamuh khang di tukvak salih bilan xuân - hè atau thu - đông, ngak brei ruak jalan suak yava di yaok umo thun, min rilo di abih lac uranaih sit dalam umo meng 6 bilan tal 5 thun.  

Viêm jalan suak yava kayua virus ini bhian gaok di abih. Virus Adeno rilo meng njom mbak tapa jalan pariah ia pabah saong tapa jalan suak yava di manuac ini tapa manuac deih. Langiu di nan, ruak daok meda njom mbak tuk manuac siam pandar haong gauk dom pandap panda di urang ruak. Tukvak pabam ruak meng 8 tal 12 harei.

Tuk njom tame rup, camriep abih Adenovirus meda ba tal cúm, viêm jalan suak yava yau ye pandiak glaong, pandik akaok, pandik rup pabhap. Hadei di nan meda ba tal trak, yau ye : suy hô hấp, viêm tiểu phế quản, patuk, hen phế quản… Trak jang meda nao tal ruak gan, viêm gan, pandik glo akaok, viêm não...

Tuk njom Adenovirus, uranaih meda hu dom triệu chứng yau ye pandiak, patuk, haok ia dung, sru laar, viem jalan suak yava. Daok vêm phổi kayua Adeno biak mbuan maluk haong viêm phổi kayua virus jalan suak yava atau vi khuẩn karei. Urang ruak pandiak biak glaong, sru laar, patuk saong suak yava khò khè. Min, kayua ruak ini mbuan mbak saong njaom mbak biak samar dalam rahra jang yau mbuan maluk haong dom janih ruak cảm cúm bhian gaok, nan ye mayah suai thau, ruak meda trak tagok meda hu rilo biến chứng biak kan kandah.

Dom tổn thương bhian gaok di abih tuk njom virus Adeno lac viem jalan suak yava mangaok, viem jalan suak yava mala, viêm kết mạc meta (pandik bhong meta), dom janih ruak di jalan tung pruac. Langiu di nan, virus ini jeng ngak brei ruak viêm gan, viêm jalan tung pruac, viem gilo akaok, màng gilo akaok saong viêm bàng quang, abih di nyu nan lac di uranaih likei.

Daok dom urang khang kadang, ruak meda thit eng, min ngan haong dom urang hu ruak dahlau dalam rup atau prein pacang caga ruak bier meda ngak brei suy hô hấp. Mayah oh hu iek ruak aval saong taong ruak samar meda ngak kan kandah tal rup pabhap. Kayua yau nan ye, dom amaik ame njauk tui iek catang uranaih, tuk mboh uranaih suak yava bo cada dalam tame, rối loạn tri giác, glaih glar njauk ba chip uranaih nao tal sang iek ruak piah hu taong ruak samar drah.

Adenovirus ka oh hu vaccine pacang caga. Dom ruak kayua Adenovirus jeng ka oh hu jru piah taong ruak, bo tok pasiam dom triệu chứng yau dom ruak jalan suak yava kayua virus, kayua jaik abih urang ruak meda thit eng, langiu di ruak mbuan trak tagok di dom uranaih hu ruak dalam rup, prein yava oh khang kadang, prein pacang caga ruak bier.

Piah pacang caga bruk njom mbak vius Adeno, amaik ame njauk patagok prein pacang caga ruak ka uranaih, klauk vaccine caga cúm. Daok dom uranaih sit bilan njauk brei manyum vitamin A  6 bilan sa mbang, rao tangin gam gam, tuk patuk njauk pacang cambuai, cuk pataik pacang mbaok tuk nao tal labik hu rilo manuac. Tuk njom virus Adeno juai taom gaok jaik haong rilo manuac, piah plaih njom pambak virus ka rahra./.

Urang lang: Thu Thao – 29/09