Piah pacang ruak laneh laka tanye saong dom ruak tanye, idhung, tarakaong, dom amaik ame brei caik hatai sangka dom bruk yau ini:

- Pilih ruah labik caluai siam mekre, salamat, hacih sa-at.

Njauk pilih ruah labik caluai hu ia hacih, hu menuac menei mbiah, ia caluai tuk halei jeng hu khử trùng, hacih sa-at, oh hu rilo ia jru hóa chất jhak ka jalan suak yava. Jhui brei ka uraniah menei, caluai di kraong, ribaong, danao ia gluh baok, labik hu ia njom nerak tachauk.

- Caga saong khik ka tanye hacih sa-at dahlau saong dalam tuk caluai:

 Dahlau di tuk nao caluai, njauk eng drei pasang iek atau nao tal bác sĩ pasang iek tanye ka nyu tani tanat. Meyah mboh hu aih tanye, njauk mek tabiak piah caga ia tame tanye tuk caluai, ba tal pacang sir gilaong tanye, ngak brei laka tanye. Jhui pacang abih 2 gilaong tanye tuk dhung phal, kayua lac ngak yau nan, nyu meda ngak brei anek ruak njaom mbak meng idhung, tarakaong, nao tapa tanye tame gilaong tanye, ba tal ruak laka tanye chip. Daok meyah ia tame dalam gilaong tane ye mbleing akaok, dui hala tanye tabiak gah likuk, ngak jeng sa jalan tapak daong ka ia mbuan sraiy tabiak gah langiu. Brei tacei pato uraniah thau caik hatai sangka tuk nao menei dalam hồ bơi: oh ka-hac, tacuac, oh nyuh ia dhung, oh me-ik aih dalam hồ bơi. Tuk nao caluai brei hu dom pandap daong khik pacang rup yau muot, camin caluai ia saong nút pacang gilaong tanye.

Meyah njauk ia tame idhung, brei pacang sa gah gilaong idhung saong harit sa gah daok veik, piah ngak brei ia tabiak. Oh pacang abih 2 gilaong sa mbang haong gauk piah harit idhung, kayua ngak yau nan, nyu ngak brei anek ruak meng idhung, tarakaong nao tapa tanye, tame gilaong tanye, ba tal ruak laneh laka tanye. Daok meyah ia tame gah dalam tanye, brei mbleing akaok, dui hala tanye tabiak gah likuk, ngak jeng sa jalan tapak daong ka ia mbuan nduac tabiak.

-Khik hacih sa-at ka tanye saong rup pabap hadei di tuk caluai:

Hadei di tuk caluai tagok: brei dhung phal hasit, mbleing akaok saong chat cò cò ka ia di tanye nyu nduac tabiak, oh cakeih tanye khang ngak brei saluah tanye mbuan ba tal nhiễm trùng.

Menei veik ia hacih saong sabon hadei di tuk tagok meng hồ bơi...Tanjaoh meta, uak tanye thu saong kalung pabah haong ia sara hadei di yaok mbang nao caluai.

Njauk caik hatai thau lac: Oh pandar dom pandap oh hacih sa-at piah pasơ tanye ka uranaih. Meda mek gai tăm samlei caik di gilaong tanye piah nyuk ia dalam tanye tabiak. Oh pasơ dalam tame tanye di uranaih, plaih thur mur saong anek ruak njaom tame dalam jang./.

Urang lang: M.Phuong - 4/8/2022