1.Pacang caga ung thư meng bruk mbang menyum siam, hu palih ruah

Bruk mbang menyum siam, hu palih ruah, ba mai rilo siam mekre ka pren yava dalam nan hu bruk palih ruah dom kaya mbang meng phun kayau, dom  protein khang kadang saong hu gam chất limek  oh  bão hòa, cambaih laih nan lac:

-Ngan haong bruk palih ruah njam patam saong baoh kayau

Njam patam saong baoh kayau hu rilo vitamin, khoáng chất, chất xơ saong dom chất karei meda pacang caga hu ung thư. Tui bruk caong hu calo di yaok urang bo meda mbang baoh kayau, njam patam meblah 1/3 khẩu phần mbang yaok harei atau 2 panjin sit meda pacang saong patrun hu bruk mbuan njauk ruak ung thư.  

-Ngan haong dom janih ngũ cốc

Ngũ cốc lac pandap mbang oh kurang hu yaok harei, abih di nyu lac ngũ cốc daok tamo asar meda ngak brei patrun bruk mbuan ba tal  ung thư đại trực tràng. Kayua yau nan ye, dom urang ilamu brei thau lac khaol drei njauk mbang takik abih sa meteh yaom ngũ cốc yaok harei nan lac ngũ cốc daok tamo asar.

- Ralow bhong saong ralow hu tapa chế biến

Tui Jabat Roh duah Ung thư Dunya (IARC), ralow hu tapa chế biến saong ralow bhong daok dalam nyaom meda ba tal ung thư ka anek manuac brei mboh tapa bruk mbuan tagok ung thư đại trực tràng. Kayua yau nan ye, dom urang ilamu pachreih khaol drei njauk pandar kaya mbang protein yau ikan, ralow menuk ada saong ratak rilo jang ralow bhong.

- Juai menyum alak

Roh duah brei mboh pandar alak meblah jaik 6% dom manuac njauk ruak ung thư saong 4% dom urang metai kayua ung thư di Hoa Kỳ. Alak jeng nao gam haong bruk pandar pakao hala ngak brei patagok ung thư cambuai, tarakon saong jalan mbang huak glaong jang rilo mbang dut haong bruk menyum alak saoh atau njuk pakao saoh. Kayua yau nan ye, siam di abih nan lac juai  menyum alak atau menyum takik.

1.Pacang caga ung thư meng bruk pasram pahat rup

Bruk pathram pahat rup oh kurang hu dalam rai diuk yaok harei, kayua yau nan ye, dom urang ilamu pachreih khaol drei njauk buh tabiak takik abih 30 minit yaok harei saong ma-in pathram 5 harei dalam adit ngan haong cường độ mbiah atau khang.

- Njauk patakik tukvak daok la

Tukvak caik ka bruk daok la rilo lac oh siam, yaom lac bruk pathram pahat rup lac hadom. Dak harei dak hu rilo kadha brei mboh lac daok la rilo ngak brei patagok limek, me-ik saradang janih 2, ruak tim saong dom janih ruak ung thư, saong metai di umo ranaih jang.

Piah patrun tukvak daok la, dom urang ilamu pachreih khaol drei njauk nao kabak di tuk halei jeng hu: pandar takai kanjan kabak salih ka bruk nao kanjan mac; Meyah ngak hu ye njauk nao kabak atau nao radaih juak tal labik drei khin nao yau: nao darak, nao siêu thị, nao ngak gheih,..; Njauk padeih ngak bruk saong ma-in pathram padhih di labik ngak bruk piah katung giãn rup bhap atau nao kabak samar drah; hu mbaok tame sa kapul me-in padhih; takik tukvak mong iek ti vi saong pandar dom jalan giải trí ngaok màn hình karei./.