Patagok prein caga saong pabak siam ka rup pabhap taong abih

Phun baliyum hu janih Saponin bak dalam nan – janih siam dreih yau nhan sam – daong brei ka prein yava pacang caga ruak ngak bruk khang jang. Bruk pandar dom kaya ngak meng agha baliyum daong rup pabhap pacang dom bruk ngak ruak meng alam langik, patrun bruk glaih glar dui atah saong daong pasiam prein yava samar drah ka urang ruak atau urang oh bingi yamen dalam rup pabhap.

Pasiam glo akaok siam karo arak akaok

Dom janih siam dalam phun baliyum meda hu siam lagaih ka glo akaok manuac urang, daong patagok mbien ndo glo saong daong bruk mek tame di dom arak glo akaok te bao than kinh. Bruk ini oh lac daong patagok bruk kanal hadar di glo akaok, pasiam bruk pataom tame ka sa bruk blaoh daok lac “jru cavao” daong ngak patrun stress, patrun bruk duh hatai saong pacang caga dom ruak duh hatai njuel di dom urang ngak bruk meng glo akaok glaong rilo.

Daong padam siam lagaih brei ka dom janih ruak atuk tulang

Ngan haong bruk pacang barah saong patrun pandik, phun baliyum bhian hu pandar dalam dom kadha jru taong padam pandik lagah talang atuk, pandik barah atuk talang saong pandik araong ka-ing lagah ta-uk. Dom janih siam dalam rup phun baliyum daong palagaih jalan darah nduac nao tal dom atuk talang, meng nan patrun bruk barah, khang atuk talang dalam hadah page saong daong ngak lagaih ka bruk padhih rup saong bruk nao mai di urang praong thun umo.

Daong tung pruac saong padam dom ruak tung  pruac

Hala baliyum hu ia la-an, daong palagaih la-an langaoh dalam rup pabhap dan saong tung pruac, dalam nan hu bruk ngak brei padam dom bruk katang tian, mblung mabuk dalam tung pruac atau aih caraoh. Dom urang kiet ly atau srau kadau jalan tung pruac dui suai atah man tinh, bruk pandar hala baliyum rak menyum ngak lagaih kanduh tung pruac, pacang anek ruak saong ngak pasiam veik bruk samu gauk ka vi sinh jalan tung pruac biak salamat.

Lagaih ka bruk ndik saong taong padam bruk kan si ndih rilo thun

Kayua karo hu di dalam glo akaok blaoh oh ngak pambak tawak tame nyu, phun baliyum daong brei ka urang ruak mbuan si ndih jeng ye oh katuak drei kreh anik ndih malam. Rilo urang daok pandar hala baliyum thu piah ngak katal ka uranaih saong menuac praong, daong brei kanyu mbau pahe phun kayau bangi ngak palagaih brei ka arak aring rup pabhap akaok takuai, ngak ka manuac drei mboh laneing lanoi mboh bangi hadei tuk medeih ndih tagok.

Halang gan saong pacang khik rup pabhap plaih tachauk

Phun kayau baliyum yau ye sa majam jamraik brei haling daong tathuak tabiak dom janih tachauk nerak di dom kaya mbang jeng ye janih di dalam alam langik siam lagaih jang, gam haong nan pacang khik te bao gan plaih dom bruk ngak barah. Meng bruk palagaih pandiak la-an, janih phun ini daok daong patakik tamuh tating, katal brei ka rup manuac, daong tani tanat brei ka baoh hatai gan dom urang bhian menyum alak mbie atau menyum jru prang dui atah rilo harei./.