Jeng dreih yau njam diếp, baoh sabei, njam sabei… hu rilo vitamin K – lac janih ngak tabiak di osteocalcin, daong pataom veik canxi dalam talang. 100g cải xoăn hu labaih 250 mg canxi. Dalam tuk nan, paka deih yau nan hu dalam ia tasau lac 110 mg, baoh manuk ada lac 50 mg. 

Njam sabei cải xoăn hu but pajaih haong baoh sabei, súp lơ, sabei brussels saong bingu sabei hijao. Min drei meda mboh nyu karei jang dom janih karei di darak pasa, kayua nyu hu sambo hijao saong samo ngù that. Bruk ngak ka njam sabei ini karei jang dom janih njam sabei karei lac nyu meda tamuh khang di bilan laar, saong bingi yamen jang. Janih sabei ini, urak ini oh lac daok hu pala di châu Âu, bo dak harei dak jeng bhian randap di rilo labik angaok dunya.

Langiu di bruk hu rilo canxi, njam sabei ini daok ba mai biak rilo siam lagaih ka prein yava kayua nyu hu rilo vitamin (A, K, C, B6, thiamin, riboflavin saong niacin), khoáng chất (mangan, canxi, kali, đồng, magie, sắt saong phốt pho), chất xơ, omega 3 axit limek, jang yau janih pacang oxy hóa. Tạp chí Dinh dưỡng Healthline taong yaom cải xoăn lac sa dalam dom janih pandap mbang hu rilo dinh dưỡng abih di dunya.

Sa paok cải xoăn trak labaih 28gr hu tal 206% vitamin A, 684% vitamin K saong 234% vitamin C bo Uỷ ban hữu cơ Mỹ (USDA) pachreih mbang yaok harei. Kayua yau nan ye, ba cải xoăn tame var mbang meda ba mai rilo siam lagaih daong ka rup pabhap ngak ralai chat limek, ngak trun dom cholesterol dalam rup pabhap nan ye patrun bruk njauk ruak hatai baoh saong ruak talang.

Ngan haong njam cải xoăn, drei meda ngak yau hadei di ini:

- Ia ép njam cải xoăn daong ka kalik mekre jang, ndih bingi jang.

- Njam cải xoăn sarau salad. Meng jalan ngak ini, drei meda pabak tame dom janih njam patam baoh kraoh bo drei takre, yau ye bơ, baoh traong nde, tamun, … jeng hu. Meda pabak tame hasit manyek oliu, sara, maraik kalu ka nyu pahe bingi jang.

- Cải xoăn xào: drei njauk caik hatai lac oh xào njam biak suai, oh tapa 5 minit.

- Njam sabei xoăn kahon.

- Snack cải xoăn am racam…./.