Min, rilo urang bhian ba tabiak jalan ngak biak glaong, caong pahat rup yaok harei  biak rilo, pahat biak trak, hadei di nan dom urang ini klaak nao kayua oh lagaih saong lahik biak rilo prein yava. Saong Giáo sư ini hu dom roh duah bahrau ka bruk paglaong prein yava.

Tui Giáo sư Ken Nosaka, mayah jalan ba tabiak lac piah paglaong prein yava suai lavik ye kadha pasram brei khang kajap. Meda ngak hu mayah kham marat pahat dom minit dom kadha pahat paglaong baoh patih yaok harei. Roh duah di ong brei mboh, pahat co cơ sa mbang yaok harei, yaok adit 5 harei meda daong pasiam baoh patih mayah khik bruk pahat dalam 1 bilan.

Dom tacei pato ka bruk pasram pahat rup hu kakei lac njauk pahat rup yaok adit 150 minit saong ngak haong prein mbiah, saong hu takik di nyu 2 var pahat paglaong baoh patik. Mô cơ talang trun tui umo thun, ngak lahik chức năng saong bruk độc lập di urang praong thun, kayua yau nan ye, bruk hu makna praong lac yaok harei pahat rup meng dom kadha paglaong prein yava, baoh patih piah pachreih  cơ talang di takai, tangin saong rup.

Tapa duah thau bruk daok la trun kik dar dar mboh lac bruk ini ngak brei pasiam baoh patih takai, prein daok tagok kik, prein nao mai saong prein khik samu gauk di urang praong thun. Rilo urang daok la trun kik atau papan labaih 10 mbang sa harei, nan ye mayah daok trun dar dar yaok mbang ye hu takik di nyu 10 mbang megei dom baoh patih, ngak brei dui atah khớp ta-uk yaok harei. Ini lac jalan lagaih piah pahat rup dom kadha pachreih baoh patih takai.

Jeng tui giáo sư ini, pasram  pahat rup yau nan meda ngak pasiam dom chỉ số prein yava yau ye huyết áp saong cholesterol. Gam tui di nan, 5 minit nao takai yaok harei jeng hu siam ka prein yava.

Ngan haong dom urang bahrau pasram pahat rup, dom urang ini meda mboh kan kandah tuk pahat dom kadha trak, kayua yau nan ye njauk pahat dom kadha hanjul jang, min pahat yaok harei. Tuk prein yava hu khang kadang jang, meng pahat rilo kadha jang./.