TS.BS Lâm Việt Trung – Phaok Akaok Sang iek ruak Chợ Rẫy brei thau, tui yaok pataom thun 2020 di Jabat dunya roh duah ka ruak  ung thư – Gah Y tế Dunya, di Việt Nam, ung thư đại trực tràng lac ung thư ba tal metai lahik saong hu manuac urang njauk ruak dang ka 5, hadei di ung thư gan, phổi, tasau saong ung thư dạ dày.

Ung thư đại trực tràng hu gam ung thư đại tràng saong ung thư trực tràng, jaik abih hu tamuh tabiak meng tal tauk gah dalam (niêm mạc) di đại tràng atau trực tràng. Dom khối u ini hu iew lac polyp. Tui tukvak, dom polyp meda tagok jeng ung thư.

Ung thư đại trực tràng meda pambuak pagam tal dom kadha yau: Ruak  viêm jalan tung pruac (ruak Crohn, viêm saluah đại tràng); kayua di truyền dalam baoh sang; kayua jalan diuk rai yaok harei meda ngak tagok bruk njauk ruak ung thư đại trực tràng yau: takik pasram pahat rup; labaih kilo atau lamek; mbang takik baoh kayau, takik chất xơ, rilo lamek, menyum rilo alak mbia saong njuk pakao hala.

Tui TS.BS Lâm Việt Trung, ung thư đại trực tràng meda oh ngak tabiak dom triệu chứng chip. Anak meta mboh lac, rilo triệu chứng di ung thư đại trực tràng jeng meda kayua dom kadha karei ba tal ngak ka urang njauk ruak, bác sĩ mbuan si meluk dalam bruk chẩn đoán saong duah mboh aval ruak ini.

Piah samar duah mboh ruak ung thư đại trực tràng, dom urang ruak hu dom kadha mbuan ba tal ruak, urang hu dom triệu chứng mboh medhil (yau bhian pandik hatian, aih craoh, aih gal; darah hu dalam khak; trun kilo samar; gaok mai mboh yau gal jalan tung pruac) hadei di tuk duah thau ka ruak kik meng dahlau mai saong pasang iek pren yava, bác sĩ meda tacei urang ruak ngak dom xét nghiệm cận lâm sàng yau: Nội soi đại trực tràng; Sinh thiết; dut iek “di truyền”. Tui tukvak ruak di urang njauk ruak  bo dom bác sĩ meda hu jalan taong ruak ka nyu laghaih, dalam nan hu gam bruk blac raih cakak klak, meda pambuak pagam haong xạ trị, hóa trị. Dalam nan, blac raih lac jalan taong ruak biak siam di dom vaktu ruak (abih di nyu lac vaktu ka 2, 3) piah klaak khối u.  

Harei ini, meng dom kadha bahrau dalam gah ngoại khoa, urang njauk ruak ung thư đại trực tràng meda hu taong ruak tui jalan blac raih, pandar dom janih pandap piah blac raih bahrau di abih piah pandar dalam tukvak blac raih, daong ngak katut jang tukvak blac raih, patagok jak jeng saong siam mekre, salamat.

Ung thư đại trực tràng pacang caga hu halei oh? Bhian pasang iek đại trực tràng nan lac sa dalam dom jalan ngak siam di abih piah plaih njauk ruak ung thư đại trực tràng. Langiu di nan, ung thư đại trực tràng meda pacang plaih hu tapa bruk mbang menyum siam: takik mbang rilo bhong, ia menyum hu cồn, mbang rilo dom janih pandap hu rilo chất xơ; patagok bruk pasram, pahat rup pabap./.