Ka sa: mbang page ginup chất dahlau di maong 8

Jalan tung pruac hadei di sa melam atah “ndih var” brei hu pabak ginup dưỡng chất piah caga cuh calo ka harei bahrau ngak bruk, bac taa. Tukvak dahlau di maong 8 dah page lac lagaih piah tung pruac hu ngak bruk ginup. Mayah mbang page suai meda mbuan rahtabiak bruk kan ralai, sadah ngin saong oh pachreih mbang var jala.

Var page njauk hu ginup 3 nyaom chất lac: đạm, tapung, chất xơ, min njauk mbang dahlau chất xơ, vitamin, khoáng chất, tapung salih suai piah ka rup pabhap oh njauk pataom biak rilo bruk salih oh siam, ngak ka jalan tung pruac glaih glar.

Ka dua: manyum ginup 2 lít ia yaok harei

Jhui mboh mahu ia meng manyum, kayua nan lac tuk rup pabhap di drei kurang biak rilo ia. Drei njauk pasram bruk manyum piah khik 1 harei ginup 2 lít ia. Bruk pabak ginup ia ka rup pabhap meda daong pabak samu năng lượng, jalan salih saong abih di nyu nan lac pabak ginup pasah ka kalik, mbuk, daong pacang caga taha nao.

Ka klau: Mbang rilo baoh kayau, njam patam

Pabak njam patam, baoh kraoh tame dom var mbang dalam harei, oh lac daong pabak ginup năng lượng ka rup pabhap dalam sa harei atah ngak bruk bo daok pabak vitamin, khoáng chất ka rup pabhap saong kalik tuk halei jeng hadah, jangaih, pacang caga bruk taha nao.

Ka pak: pandar pandap panda pabak njauk jalan

Langiu di bruk sangka salih jalan bhian randap dalam mbang manyum, drei meda pasang iek veik bruk pabak dom pandap panda daong khik prein yava piah pasiam bruk catang tagok di rup pabhap dalam drah samar – katut panak – siam lagaih.

Bruk mbang huac saong diukrai siam mekre yaok harei lac jalan daong jhul kadun likuk ruak kik saong pacang caga bruk mbuan taha nao. Drei njauk pilih ruah ka rup drei saong gauk gar dalam sang sa jalan diukrai siam makre piah ka rup pabhap tuk halei jeng kajap karo, siam makre./.