Sốc phản vệ lac bruk dị ứng trak rahtabiak hadei di tuk rup pabhap gaok haong dom dị nguyên meng dom minit tal dom maong. Dom urang njauk sốc phản vệ meda metai samar drah mayah oh hu daong taong ruak samar drah.

Dị ứng pandap mbang lac phản ứng di rup pabhap ngan haong dom janih hu dalam pandap mbang. Dom protein bhian mboh lac ia tasau limo, sữa đậu nành, baoh manuk ada, asal ratak lo, lúa mì, đậu tương, ikan, hadang, arieng, dị ứng pandap mbang bhian mboh di uranaih rilo jang urang praong thun.

Tuk njauk jru mek pandap mbang bhian mboh kalik katar atau ndaih baoh; sre ia idung, dhung bhan, katal tarakaong, kan luan atau cambuai saong dalah pandung; meda tagok katal, barah di takai tangin. Langiu di nan, urang ruak meda patuk, chuột rút atau aik traoh, taglaoh ta-aok rilo…

Tuk njauk dị ứng pandap mbang trak meda hu dom triệu chứng di sốc phản vệ: urang ruak mboh kan suak yava atau kan daok, pandik cada, huyết áp biar, mạch yếu saong samar, having akaok, oh daok kanal hadar hagait…

Ngan haong dom triệu chứng di sốc phản vệ meda ngak jhak nao biak samar. Tuk nan, urang ruak brei hu taong ruak dalam 30 tal 60 minit kayua dom triệu chứng mead ba tal metai.

Bruk trak atau hanjul di sốc phản vệ tui bruk nhạy cảm di yaok rup pabhap, dom pandap mbang saong prein njaom tame di dom janih karei tame dalam rup saong tui tukvak langyah, taong ruak.

Sốc phản vệ meda rahtabiak samar drah atau suai jang hadei di dom maong, min tuk hu bruk sốc phản vệ, nyu rah tabiak biak samar dalam 1 tal 2 minit saong salih tapa trak damak jang, tuk nan lac biak kan piah daong. Kayua yau nan ye, njauk caik hatai tal dom bruk hadei di ini piah pacang plaih bruk njauk sốc phản vệ:

Mayah mikva bhian gaok bruk dị ứng, mikva tuk halei jeng ba tui dalam rup dom janih jru ngak brei cadu dị ứng.

Njauk pandar jru ka nyu njauk, salamat, tui pato tacei.

Tuk mbang dom pandap oh ka bhian mbang, njauk mbang iek biak takik piah iek bruk phản ứng di rup pabhap. Cang hadei di 24 maong meng mbang gilac veik mayah oh mboh hagait karei. Daok dom urang hu rup pabhap mbuan dị ứng, meda biak mbuan njauk mebuk pandap mbang kayua mbang manyum dom pandap hu janih karei.

Meng di tuk mboh hu dom triệu chứng: di kalik, mata (yau ye pandiak, ndaih baoh katal, barah mata, barah cambuai, gar idung…); di jalan suak yava (yau ye kan suak yava, suak yava glaih); di tung pruac (yau ye pandik tung, taglaoh ta-aok, aik traoh) saong di tai baoh (pandik cada, pandik akaok, having akaok, oh thau hagait, trun darah)… urang ruak njauk nao iek ruak di dom labik y te hu angan je, plaih caik rahtabiak dom bruk pandik harao./.