Piah thau cambaih jang ka janih virus biak jhak ini, saong piah thau virus Marburg nyu ngak brei dalam rup mboh yau habar, jeng yau jalan pacang caga plaih njom mbak, kadha urang iek ruak adit ini, kol dahlak hulin hu yaih khan kadha vak hu ba tagok mbao Prein yava saong raidiuk:

PGS.TS Đỗ Duy Cường – Yam ndok Pasak ruak nhiệt đới – sang iek ruak Bạch Mai brei thau, virus Marburg lac sa janih virus tapa drei cim thur ngak brei ruak.

Anek manuac harứt njauk ia sre tabiak atau ia ma-ik di cim thur mbang baoh meda njauk njom ruak, hadei di nan nyu mbak meng manuac tapa manuac. Virus Marburg njaom mbak meng manuac ini tapa manuac deih tui jalan taom gaok jaik, tui ia pabah prah tabiak, tui jalan darah, ia ma-ik, ia hauk, dom janih ia tuk takhlaoh ta-aok, ia tasau, ia ối, tinh dịch…Langiu di nan, tuk dom pandap panda di urang ruak, yau ye khan aw, khan lang tul, jrum klauk jru, pandap panda y tế…mayah njom virus ye meda mbak tapa menuac.

Tui taong yaom di PGS.TS Đỗ Duy Cường, virus Marburg oh mbuan njom mbak, bhian njom tapa jalan taom gaok gauk. Min, meda njom tapa jalan suak yava, abih di nyu nan lac tuk ia pabah parah tabiak tuk taom gaok biak jaik.

Ruak kayua virus Marburg biak kan piah thau tapa pasang iek lâm sàng, kayua nyu biak mbuan maluk haong dom ruak daok hu di labik nan. Ruak hu tukvak pa-auk ruak dui atah meng 2 tal 21 harei. Urang ruak tuk njauk ruak meda bhian mboh pandiak, sruh laar, pandik akaok, pandik rup pabhap. Pandiak tal harei ka 5 meda hu ndaih baoh, mboh harao mangaok rup. Langiu di nan, daok khin takhlaoh ta-aok, pandik cada, pandik tung, pandik tarekaong, aih traoh, mata kanjik, mboh sre darah, var drei jan saong ba tal suy gan, suy đa tạng meda ngak brei metai.

Ruak ka oh hu vaccine atau jru pacang virus đặc hiệu piah taong ruak. Urang njauk ruak kayua virus Maruburg njauk brei daok karei biak catang saong jalan taong ruak rilo meng lac daong pabak ia điện giải, pacang tabiak darah, mayah mboh yau suy đa tạng ye brei suak yava meng oxy, pasiam veik prein yava… Min urang ruak bhian metai biak glaong, bhian dom urang njauk ruak jeng mboh trak damak. Kol drei njauk pacang caga ruak tui dom jalan yau ini:

- Takik nao tal dom bhum mbuan njom ruak.

- Plaih taom gaok haong jit sre tabiak di dom janih cim thur mbang baoh.

- Oh taom gaok haong menuac medil lac njauk ruak.

- Mayah gaok urang ruak atau medil lac urang njauk ruak ye njauk cuk khan aw pacang caga tuk ngak bruk (harum tangin, pataih pacang mbaok, jru pametai anek ruak…).

- Pacang caga njom mbak ruak meng manuac ruak tapa urang ngak gah y tế atau urang ngak dalam bilik ngak iek.

Meda lac virus Marburg lac sa janih ruak tui bhum palei saong bhian hu mboh di châu Phi. Ini lac sa ruak ba tal jit ruak sit sot, yaom lac mbuan metai lahik min urak ini ka oh ginup prein piah njom pambak tabiak dunya, jang yau pambak tal Việt Nam. Mikva njauk paglaong hatai sangka, hu dom jalan ngak piah khik caga rup drei meda patakik hu bruk mbuan njauk njom mbak ruak./