Urang jakar kumei bangsa Xinh Mun abih hatai saong bruk kapul

            Pathau mikva saong grauk yut ! Hadei di tuk bac blaoh Dai hoc kinh te nong lam, saai Lò Thị Cương bangsa Xinh Mun daok di bản Xà Cành, xã Phiêng Pằn, huyện Mai Sơn, tỉnh Sơn La gilac mai puk palei Phiêng Pằn – libik saai ndih tapui tabiak saong praong tagok. Dalam tuk ngak bruk, hadei ini dang ngak akaok kapul urang kumei xã, saai hu rik daong rilo ka bruk di puk palei, hu mikva anit jia tame, ngak tui. Kadha vak di Tòng Đức Anh, urang vak di rayo sap ndom VN daok di bhum Tay Bac.

      Dom thun dahlau, di bản Xà Cành, xã Phiêng Pằn, huyện Mai Sơn, tỉnh Sơn La, bruk menek anek ka 3 rah tabiak rilo,  adei saai kumei oh thau khar biak rilo. Makna lac kayua akaok sahaneng di bhapbini daok bair, rilo adei saai urang bangsa takik oh hu bac megru tal libik tal dhua, oh ndom cambaih sap phổ thông. Ini jeng lac makna ngak ka dom bruk di kapul urang kumei di cơ sở oh ka tame dalam raidiuk. Ngak habal piah salih akaok sahaheng di adei saai?

      Sahaneng ka bruk nan, saai Lò Thị Cương saong dom urang jakar kapul urang kumei xã khang hatai nao tal yaok sang, nao tal yaok Chi hội piah pathau khan jak ba adei saai tame ngak bruk kapul saong hu mbaok tame dom tan bac xóa mù chữ. Kapul urang kumei xã jeng hu pablak tame dom mbang taom gaok piah khan brei thau adat hukum, ginum biai alamu ngak mbang, pabak ilamu ka bruk kế hoạch hóa gia đình meng dom sap bangsa ye sap Xinh Mun, Mông, Thái…ka nyu lagaih haong yaok urang. Livik livik harei, urak ini chi hội bản  Xà Cành oh daok adei saai halei oh thau khar; dalam 3 thun ini mai, bản oh hu urang ndih tapui anek ka 3. Saai Cầm Thị Sơn, hội viên urang kumei bản xà Cành brei thau:“ Saai  Cương lac sa urang biak sami samal, abih hatai, tuk huyen atau pakat angaok hu harak tacei pato hagaiyt, yaom lac biak jar var min saai Cương oh huac di kan kandah, oh huac jalan atah nao tal yaok bản piah tacei pato saong gam gam ba tabiak bruk ngak ka adei saai kol dahlak”

      Phiêng Pằn lac xã bhum klau, bhum tapeng negar di huyện Mai Sơn, tỉnh Sơn La jaik taphia taneh ia ayut Lào, raidiuk di mikva daok rilo kan kandah. Caong hu bruk siam lac dahlau di abih raiduk di adei saai jeng njauk hu pasiam. Sahaneng yau nan, meng ilamu hu bac di sang bac đại học nông nghiệp, saai nao dahlau dalam bruk patruh eik patrun kathaot, pandar alamu ky thuat tame pala tangei, padai, raong athur, menuk ada…Tuk ngak hu bruk, saai jak ba adei saai ngak tui. Urak ini, abih tih jien sraiy di Kapul urang kumei xã ủy thác tapa gilang pariak sarak karja lac jaik 5 tỷ đồng, ba mbuan lagaih ka dom hội viên kathaot mesraiy piah buh tame ngak dom mô hình kinh tế sang. Adei saai jeng paglaong hatai daong gauk, urang khá daong urang kan kandah. Yau nan ye, hội vien urang kumei xã urak ini oh daok sang eik, sang kathaot trun rilo duk saong dahlau. Raidiuk dak harei dak ginup meda tagok, dom hội vien urang kumei hu tukvak pataom tame dom bruk di kapul saong jak ba gauk gar ngak siam sarak Dân số-KHH gia đình;  khik “xã, bản oh hu ma túy”, ngak njauk tui quy chế biên giới, pataom tame bruk bhapbini khik caga an ninh negar.

     Tui saai Lò Thị Cương: thau, ndom hu rilo sap bangsa lac siam lagaih di saai dalam bruk pathau khan, jak ba,   ieu pataom hội viên. Saong pathau khan meng pabah jeng lac jalan pathau khan siam lagaih di abih. Kayua yau nan ye, saai lac urang Xinh Mun min saai tuk halei jeng bac megru piah thau hu sap Mông, Thái piah duh ka bruk ngak di drei : “ Bruk pathau khan siam di abih lac dahlak njauk nao trun cơ sở, piah tui pasang, thau cambaih bruk di cơ sở. Saong maong tame yaok puk palei piah drei pathau khan, peih ngak saong pilih ruah asal kadha halei praong, jaik saong puk palei. Padang bruk trun cơ sở, parabha ka Ban chấp hành saong drei piah pathau khan peih ngak tapak ka adei saai hội viên ”.

      Meng dom kham merat rik daong di drei ka bruk kapul, urang jakar kumei Xinh Mun Lò Thị Cương tuk halei jeng hu mikva anit ranam, bac megru, ngak tui.