Bruk menyim khan bai di urang bangsa M’nông daok di Sơn Hòa, xã Thọ Sơn, huyện Bù Đăng, tỉnh Bình Phước hu diuk veik meng bruk rik prein yawa tame di amuk An De, thun ini umo 57 thun.

Thun 2012, amuk An Đê hu UB bhap bini tỉnh Bình Phước brei angan lac nghe nhan menyim khan bai. Kham merat khik ramik bruk menyim khan bai di palei, muk An Đê kham padang hu kalup kapul menyim khan bai palei Hòa Sơn hu 35 urang. Lac urang akok Kalup kapul, amuk saong dom urang nan ngak tabiak rilo pandap jik meng khan bai bangsa yau: kadung, khan meom, ao…Kalup kapul ini hu So Cong thuong tỉnh Bình Phước peih klau tal pasram menyim khan bai ka dom urang dalam Kalup kapol, hu yau nan dom urang nan gheih menyim jang.

Amuk An Đê lac, meng bruk takre dom gheih mekre di dom blah khan bai, amuk ba abih hatai kham khik ramik bruk ngak meng kan di bangsa M’nông kayua oh patoa veik ka dom rai rah harei hadei, bruk menyim khan bai mbuan lahik nao. Meng tuk Kalup kapol hu padang tabiak, urang kumei dalam palei dak kak kajap jang saong bruk menyim khan bai. Amuk Thị Phơm umo 63 thun lac urang dalam kalup kapol menyim khan bai palei Hòa Sơn lac: Amuk An Đê lac urang abih hatai ka bruk menyim khan bai. Urak ini, rilo dam dara oh daok takre khan bai bangsa tra, min dom kham merat di amuk An Đê hu pato pasram ka dom adei saai kumei, dom ka muan thau menim khan bai. Mikva labik ini biak hadah mbaok meta kayua hu urang yau amuk An Đê abih hatai ka bruk menyim khan bai di bnagsa M’nông.

Akok palei Sơn Hòa, ông Điểu Thanh brei thau: Di palei Sơn Hòa, bruk menyim khan bai di bangsa daok hu dom urang yau An Đê  pato pasram veik ka dom urang dalam palei biak siam.

Tui dom urang dalam kalup kapol, urak ini,oh daok thei pala kapah piah ngak mrai, duah hala, kanduh phun glai piah nyom mrai bo salih tapa blei mrai cong nghiep hu rilo sambo mau mai menyim.  Kayua yau nan ye, yaok blah khan bai ngak tabiak hu yaom jien phun biak glaong, pablei oh ginup jien phun saong prein yawa buh tame ngak . Hu dom blah khan bai menyim dalam sa thun meng bloh min pablei hu labaih 2 triệu đồng. Min, khan bai menyim daok gaok kan kandah ka bruk pablei. Urak ini, khan bai menyim tabiak hu pablei tui panuac kakei di mikva dalam palei, yau nan ye, urang menyim khan bai oh tui bruk ngak ini hu. Amuk An Đê lac: “ Urak ini, khan bai menyim tok hu pandar dalam dom bruk ngak adat cambat, ndam lakhah, dom harei pataom pakacah…Mikva khin menyim min brei hu labik pablei piah sahanang hatai  menyim khan bai jeng yau piah rik tame khik ramik ilamu bangsa./.