Ngan song urang Ê Đê, menyim khan bai lac bruk di urang kamei. Min Y Dhông Buôn Yă oh lac thau menyim bo dok nyim biak gheih rilo bingu ala Ê Đê bo harei ni jiak lahik nao.

Meng sit, tuk dom anek naih umo nde gauk di palei Ky (Buôn Ma Thuột, Đắc Lắc), takre main cuh cim, cap chim ye Y Dhông Buôn Yă luac harei dok tapen kik nyim, mong iek dom amuk, dom wa MEnyim khan bai. Dom blah khan, blah phui bingu la biak siam, rilo sambo màu, ngak ka Y Dhông biak takre, duah thau song khin bac piah menyim hu yau nan. Min, tuk peih cambuai khin bac, Y Dhông oh hu urang halei taduan tacei pato kayua meng dahlau mai tal urak ini, urang likei oh urang halei bac menyim khan bai.

Oh hu urang halei tacei pato, Y Dhông eng drei duah thau, bloh likau jien amaik ame lua blei merai mai MEnyim eng. Dom blah khan, blah khố hu menyim tabiak dak harei dak siam. Tal urak ni, oh lac MEnyim siam, Y Dhông dok thau menyim rilo bingu la gheih mekre di urang Ê Đê bo biak takik menuac thau tal. Y Dhông jeng hu duah thau dom bingu la bahrau. Nao tal bhum halei, mboh urang halei menyim khan bai bo hu bingu la biak karei, ye Y Dhông maong iek biak cambaih laih, song nyim mẫu bingu la mai sang piah ngak ka pahu.

Y Dhông khan lac:  “oh hu urang halei pato drei kayua drei lac urang likei, min adei mong dom wa dalam palei menyim bloh bac tui. Urak ni, bingu la halei adei jeng ngak hu. Urak ni tame dom bhum atah bayah ye adei mboh hu biak rilo janih bingu la gheih mekre, adei nyim mai piah bac song khik veik piah ka harei hadei anek kamuac drei nyu dok thau.

Amuk H'Duyên Buôn Yă, amaik di Y Dhông khan, tuk mereip baharau bac menyim,abih urang dalam sang hei jeng oh khin saai bac song ngak bruk ni. Amuk H’Duyên, urang biak pachreih dom anek khik ramik dom janih ilamu meng kan,  jeng oh khin anek likei bac. Min mbiah tal tuk pan blah khan anek menyim , muk njauk mboh hatai taduan brei anek menyim: “ Tuk camereip nyu loa ngak, nyu ngak kik sit song eng nyu menyim. Hulin thau, hulin oh brei ngak, hulin lac jui bac bruk nan . Meyah  dom adei saai kamei nyu bo joi hu yau nan ye hulin bui sambai, min nyu lac anek likei, nan ye hulin oh khin brei ka nyu bac. Min nyu oh pang, oh pacang nyu hu, nan ye urak ni brei nyu bac ye”   

Meng pren yava khang kadang, dua plak tangin khang kajap, nan ye pandap bo Y Dhông ngak tabiak yau khan, khố likei jeng praong jang song jalan merai khang jang duk saong pandap urang karei ngak. Y Dhông mek hu giải 3 dalam mbang pakacah menyim khan bai di harei pataom ilamu thể thao bhap bini dom bangsa takik ban sit Buôn Mê Thuột mbang ka 9 rah tabiak dalam bilan 3 thun ni. Saai lac sa urang likei akaok meti saong duy nhất hu mbaok  tame pakacah kadha ni dalam luac 9 mbang harei patom ilamu hu peih tabiak

Iek prong dom janih gheih mekre saong sambo màu khan aow bangsa, rilo mbang, Y Dhông buh jien tabiak blei pandap panda, pataom dom auyh kamei umo du drei piah tacei pato bruk menyim, song halan hatain alin hadiah pandap ka urang halei menyim hu. Min hu dom harei min, hadei di dom chreih chrai tuk camereip, dom ayuh dak harei dak klak bac kayua oh taring song oh takre ngak

Langiu di bruk menyim khan bai, Y Dhông dok duah thau dom janih alat ragam meng kan di bangsa Ê Đê, bac tong chiêng, Yuk pi đing năm. Bahrau ni, Y Dhông hu nao song kapul nghệ nhân di buôn  Ky tabiak ban ine Hà Nội padang ngak song pasiam veik boh sang atah di urang ê Đê di muinyim bangsa VN. Mbang nao nan hu caik veik ka saai rilo kadha oh var hu, tuk hu mbaok tame padang ngak, pasiam boh sang atah meng kan di bangsa drei. Saai dak anit ranam song iek prong dom yaom glaong ilamu meng kan./.