Hukum hu 17 chương, 220 paka, brei mboh 10 kadha birau ngan saong urang ngak, gam 6 kadha birau ngan saong urang pandar urang ngak. Sa dalam dom kadha birau nan lac: Urang ngak padeih pambuak bruk tui hatai di drei oh cang lac kayua hagait.

Piah pasiam dom kadha daok cuang kandah, tavak tavaiy meng bruk  padeih pambuak bruk  di urang ngak, Paka 35 Hukum lao động 2019 brei ka urang ngak hu padeih pambuak bruk ngak tui hatai di drei oh cang hu kayua hagait bo tok khin brei thau dahlau 30 harei ngan saong harak pambuak bruk hu tukvak saong 45 harei ngan saong harak pambuak bruk oh hu tukvak.

Lingiu di nan, urang ngak daok hu padeih pambuak bruk ngak tui hatai di drei bo oh cang brei thau dahlau, yau ala ini:

- Oh brei ngak njauk bruk, njauk labik, atau labik ngak oh njauk yau panuac sanya

- Oh hu bayar ginup jien bilan atau bayar jien bilan oh njauk tuvak

- Njauk urang pah ngak kateik kreih, taong paoh atau ndem puac trak panuac, preo puac ngak jhak tal prein yawa, mbaok meta, angan je; pacap ngak rilo bruk

- Njauk urang rapeik rapai di labik ngak  bruk

- Urang kumei ngak bruk tuk hu metian brei padeih ngak

- Ginup umo thun padeih hưu, langiu di bruk dom gah hu sanya karei

- Urang pandar urang ngak brei thau oh njauk ngak kan kandah tal bruk ngak tui harak pambuak bruk.

Gam haong nan, urang ngak jeng hu quyền ieu urang pah drei ngak brei ka drei bản sao dom harak gar pambuak tal bruk ngak di drei tuk padeih pambuak bruk; jien ndo harak gar nan kayua urang pah urang ngak bayar./.

Urang lang: Aí Nghiem  4/5/2021