Tapa duah thau dom bruk ngak nong hữu cơ angaok mạng internet mboh biak hu kein nan ye sa-ai Lương Văn Hậu kham merat tabiak tal tỉnh Phú Thọ bac megru saong khang hatai padang bruk ngak mbang meng ngak nong hữu cơ peih mbaok meng anek laneng.

Bình Phước hu mong lac pasak pa-aok blait di taneh ia, haong mblang taneh pala labaih 150.000 ha, mboh lac hadei di yaok bilan paik asal pa-aok blait, hu biak rilo baoh pa-aok blait njauk klaak nao, sa-ai Lương Văn Hậu sahneng tabiak bruk pandar baoh pa-aok blait klaak nao piah raong laneng. Sa-ai Lương Văn Hậu brei thau: "Meng thun 2019 tal abih thun 2020, ngak iek dom jalan ngak tabiak, srau haong gauk, duah dom janih chủng vi sinh laghaih, langyah duah thau tính chất di baoh pa-aok blait. Tal akaok thun năm 2021, bruk raong laneng meng baoh pa-aok blait hadei di laih asal hu jak jeng. Pandap ngak tabiak meng khak la-nung pa-aok blait hữu cơ vi sinh hu payua alih brei ka dom jabat pala bingu, phun cảnh, dom sang bein ngak khak hữu cơ buh halaok...".

Bruk siam dane atah, tal akaok thun 2022, khak laneng pa-aok blait hữu cơ vi sinh hu rilo urang blei pandar dalam negar thau tal saong kakei blei. Dua thun ini mai, sa-ai Hậu pandar hu labaih 100 tấn baoh pa-aok blait/sa thun, tal harei ini ngak tabiak hu meng 30-40 tấn khak laneng pa-aok blait. Tui sa-ai Hậu, dalam khak laneng pa-aok blait hu dom vi sinh vật biak karei hu hàm lượng biak glaong... meda pabak brei hu dom chất khoáng ka bruk praong tagok di phun pala.

Meng bruk biak karei saong chất lượng di khak la-nung pa-aok blait, sa-ai Lương Văn Hậu hu padang Trại laneng Phúc Hậu, pamaong tal pabak ka dom sang bein, dom trang trại peih ngak tui jalan ngak nong hữu cơ saong dom baoh sang ngak mbang sit sot, baoh sang caong khin pala phun, njam hacih dalam negar.  

Khak laneng pa-aok blait tabiak rai hu daong pandar veik baoh klak hadei di laih asal, ngak hijao, hacih alam môi trường, padang jalan nao bahrau ka bruk raong laneng meng dom janih pandap hữu cơ. Tui ong Huỳnh Văn Thành, Phaok Yam ndok Pasak Dịch vụ Ngak nong huyện Bù Đăng, Trại laneng Phúc Hậu lac jalan nao njauk ka bruk ngak nong hữu cơ. Bruk ngak ini biak laghaih kayua pandar hu nguyên liệu hu blaoh di puk palei yau baoh pa-aok blait, khak athur, khak menuk ada. Trại laneng di sa-ai Hậu urak ini hu brei tabiak rilo pandap janih aia, thu, asar. Trại laneng Phúc Hậu oh lac tok ngak tabiak pandap hữu cơ vi sinh pabak brei ka urang ngak nong, bo daok ba brei jalan ngak ini ka yaok pluh baoh sang di labik piah ngak bruk ini”.

Trại laneng Phúc Hậu urak ini praong jaik 250m2, anak tal, sa-ai Lương Văn Hậu kuhria peih prong tabiak jaik 1.000m2, pandar mek 300 tấn baoh pa-aok blait/sa thun. Sa-ai Hậu pamaong tal thun 2028, kham merat padang hu sang mac ngak tabiak khak hữu cơ vi sinh meng kaya nong klak tabiak, pabak ka darak pasar yaok thun yaok ribau tấn khak laneng pa-aok blait, ngak tabiak rilo janih pandap duh ka bruk ngak nong Bình Phước; oh padeih salih bahrau, pasiam veik pandap panda./.