Urang kamei thau menyim khac bac meng tuk dok sit

Ndom tal urang Xa Phó, lac ndom tal dom adat cambat tanarakun song dom pandap mbang biak karei dalam harei likhah. Likei, kamei  Xa Phó di  Nậm Kéng thau doh dam dara dalam harei rija roya di palei; dok khik ramik dom adat cambat  yau, uan lisei bahrau, harei pataom puh ramik palei akaok thun bahrau.Tong abih dom janih siam gheih ni dalam rai duik ilamu mbang ngui dok dang di mik va Xa Phó ngak jeng prein dui pachreih bruk du lịch angaok jalan roh duah dom bhum taneh hu rilo kadha bahrau biak karei…

Urang  Xa Phó daok di  Nậm Kéng hu jalan peih pambah mbang  tabiak darak pasa dunya tuk dom janih siam mekre meng palak tangin ghieh, bruk pet tangin khan bai  song dom bingu la gheih mekre ngak jeng inem krung  ilamu  phi vật thể pakat negar. Jeng meng bruk ni hu ba mai ka urang Xa Phó rai duik bahrau, kayua dom khan bai oh lac pandap meng kan ngak khan aow, oh lac hu mboh dalam  palei  Nậm Kéng siam mekre sron mbon, bo dok tui takai tuai  du lịch nao grauk labik  , tal dom negar châu Âu.

Thun  2019 meng bloh, Kalup kapul khan bai urang kamei Xa Phó, xã Nậm Sài pet tangin hu yaok ribau pandap ngan song 15 janih  pablei tabiak dom negar  châu Âu, Mỹ, Úc song  Nhật Bản. Meng bruk dong di kapul Craflink, Kalup kapul khan bai  hu ba bruk ngak ka jiak  40 urang lac urang kamei Xa Phó di pak ni.Tui kuhria yaok adei saai dalam dom harei lahaiy duah hu labaih  1,5 triệu đồng/sa bilan, tui pandap pablei ka tuai.

Tuai mai tal Sa Pa meyah vaih tame Nậm Kéng biak takre blei  dom pandap khan bac  di adei saai  Xa Phó. Bruk ni yau pabak pren khang piah adei saai hu rilo jalan patagok kinh tế meng bruk ngak meng kan di bangsa drei ; dak hu rilo hatai sahaneng duah bahrau dalam dom pandap khan bac…

Dang dalam baoh sang kayua Hội Liên hiệp urang kamei  tỉnh pambuak bruk song dom kapul  dong ba piah adei saai  Xa Phó hu labik pablei pandap khan bac, khol hulin oh klah di tatuak drei tuk dom kapul tuai damuai mai ni biak takre khan bac pet tangin meng kan. Dom boh kon tangin hu ngak meng bingu la khan bac biak siam, dom blah aow patal, dom băng đô… jeng biak mekre meng khan bai Xa Phó.

Tui harak raoh duah  di Jabat inem krung ilamu (Sở Ilamu  Thể thao saong Du lịch Lào Cai) ye angaok khan aow meng kan  di urang kamei Xa Phó hu rilo janih bingu la karei di gauk, hu ngak biak mekre. Bruk ni ngak ka pandap panda di pak ni jeng inem krum ilamu, dok hu mik va  Nậm Kéng khik ramik, patagok siam lagaih. Khan bai Xa Phó hu labaih  30 janih bingu la, hu cih tabiak meng dom hagait hu mboh di anak meta dalam raidiuk yaok harei yau phun thông, riyak paoh, răng cưa, quả trám, atau  dom hình tam giác xếp chéo gauk. Bingu la di tangin aow  bhain hu hình meta menuk prang,  nhện, arieng, phun dương xỉ, kỷ hà. Tui  saai Lý Thị Ngay: Mik va palei  Nậm Kéng dok pasiam veik bruk pala phun cườm, pala lanh menyim khan bai piah khik yau tamo dom bingu la khan bac meng kan. Tuai damuai negar langiu takre pandap khan bai  Xa Phó kayua nyu hu ngak meng chất liệu tự nhiên./.

Urang lang: Hanipha -15/2