
Tui So Kong thuong Ban raya Ho Chi Minh, tukvak 2016-2024, taong abih kim ngach jien pablei tabiak gah jhik menyim di Ban raya Ho Chi Minh tapa darak pasar Amirik Mỹ labaih 57,4 ty USD, karei di thun 2024, ngan haong tanut cakrok siam lagaih labaih 24%, mek hu tanut 7,4 ty USD. Mỹ urak ini lac darak pasar blei tame labaih 40% kim ngạch jien pablei tabiak di gah jhik menyim Viet Nam, saong ini jeng lac bruk ngak ka rilo gah pablei salih di Ban raya Ho Chi Minh duh hatai anak bruk taong je.
Ong Phạm Văn Việt, Taong Yam ndok Kongti Việt Thắng Jean, Phaok Akaok Kapul Jhik Menyim pak Ban raya Ho Chi Minh, brei thau tanut jien je 46% bo Mỹ taong tagok pandap pablei tabiak di Viet Nam glaong rilo mbang dut haong laba kuhria rah tapa di gah (5-12%). Ong Phạm Văn Việt hu panuac ndom, padang Kapul tacei ba lien nganh pakat Rajaei ka gah jhik menyim, dreih yau kapul ngak bruk hu makna tukvak COVID-19, piah samar chip ngak lagaih haong taong abih bruk caga pablei salih:
“Khol dahlak hulin likau Rajaei hu sarak brei padeih, brei tagok tukvak bayar jien je VAT, jien je mek tame di gah ngak mbang pablei salih, brei tagok tukvak bayar sraiy gilang pariak ngan haong gah ngak mbang pablei salih pablei tabiak gaok kanjah jhak trak. Gah ngak mbang pablei salih brei lahik 3-6 bilan duah darak pasar karei ye likau brei tagok tukvak bayar jien sraiy, padeih dom bruk bayar jien je, sraiy gilang pariak dalam tukvak ini.”

Dalam bruk mbuan gaok jien je glaong meng My, ong Đinh Hồng Kỳ, Akaok Hoi dong quan tri Kongti CP Secoin – ngak tabiak pandap ngak gheih haong 50% ndap nda pablei tapa Mỹ, klah rabha ilamo ka bruk ini meng bruk pablei ndap nda tapak piah patakik lahik jien dang kreih karei.
Meyah My taong je 46%, gah ngak mbang pablei salih di ong brei ndom biai saong gah pambuak bruk piah rabha tanut jien je ini dalam chuoi cung ứng, tui di nan lac gah ngak mbang pablei salih di Viet Nam, dua gah pablei salih praong yaok gah ciuk 1/3 jien je, daong yaom pablei tal urang pandar jeng hu meraik gauk. Ong Đinh Hồng Kỳ likau tagok lac brei hu sarak daong karei ka ndap nda "Made by ngak di Viet Nam”:
“UB Bhap bini Ban raya Ho Chi Minh brei neh tabiak ndap nda made by ngak di Viet Nam saong ndap nda made in ngak di Viet Nam, ndap nda biak Viet. Khol drei brei hu sarak caik dahlau ka ndap nda made by Viet Nam saong meng tuk ini nao piah hu sarak daong ka ndap nda made by Viet Nam patagok prein meraik gauk di angaok darak pasar pablei tabiak.”

Anak dom kan kandah urak ini, Akaok UB Bhap bini Ban raya Ho Chi Minh ong Nguyễn Văn Được ndom mayai lac ban raya jeng khik tamo jalan ngak cakrok patagok thun 2025 saong patui pasang iek tani tanat sampurna bruk ndom biai. Ban raya brei jhul samar drah pasiam bruk ngak harak gar saong patagok bruk daong gah ngak mbang pablei salih pablei tabiak dalam tukvak kan kandah ini. Ong Nguyễn Văn Được brei thau:
“Khol drei sangka iek glang tal tal dom gah ngak mbang pablei salih ka bruk ngak tabiak ngak kong daong, gah ngak mbang pablei salih tabiak gaok taong jien je truh tapa tukvak kan kandah. Yaom lac bruk daong ini oh praong, min “1 klaih tuk lipa hu angan makna jang 1 paok tuk trei” di tukvak ini daong samu ye daong prein biak praong ka gah ngak mbang pablei salih.”
Anak dom kan kandah urak ini, dom urang ngak mbang ndom meyai lac ini jeng lac sa kein lagaih ka gah ngak mbang pablei salih piah salih jalan ngak dalam bruk ngak mbang, pataom tame ngak tabiak dom ndap nda hu yaom kaom tagok glaong jang, meng nan paglaong prein meraik gauk. Gam haong nan, ngan haong dom gah pablei tabiak hu kim ngạch praong, bruk buh jien tame patagok gah pabak ndap tamo dalam negar lac asal kadha hu makna piah khik kajap bruk patagok karo kajap./.
Viết bình luận