Di xa Bắc Phong, huyen Thuận Bắc, urang bon lin dalau angan Lâm Thế Định (umur 78 thun), dalau pakat Dai doi truong Dai doi 2, bon lin palei daok dar tal thun bilan masuk matak di labik masuk 19 (CK19) dalam masa 1964-1975. Ong gam saong kapul bonlin di drei taong kalin yaok rituh mbang, pacang caga hu dom mbang kham man taong tame, peih praong taneh peih paha, gam saong bon li nasal meng Barak tame taong kayah talei khik caga di kon khaman di “Hala pasei Phan Rang” di karja Viet Nam Cong hoa padang tagok, daong peih paha tinh Ninh Thuan njauk harei 16/4/1975.

Di dom thun bilan taong kalin rambah kan kandah, ralo lahik khat, bhap bini urang rah ra di Phước Dinh tuk halei jeng abih hatai brei ka kakmang. Dam dara takon bak, daong siu đạn, daong padai brah; urang taha, kumei gam saong  du kích taong pacang khaman taong tame.

Pamateh abap tapa, dom bhum labik taong kalin, bhum tapen meng kan dahlau urak ini mboh patagok ralo. Meng sa labik mbom siu bak urak ini jeng labik daok kaya mada hu jalan mbak sang danaok gheih ghang ilamu, rai rah bhap bini saron mbon siam makre, bahrau.

Majam jalan palei, jalan raya, jalan pasei, jalan tasik hu peih praong ngak siam jang; jalan tapen tasik atah 105km pambuak dom huyen Thuận Bắc, Ninh Hải, ban Phan Rang - Tháp Chàm, huyen Thuận Nam brei khang ka nao mai blei salih saong patagok bruk ngak mbang. Dalam nan, Ninh Thuan padang danak dak pasak pakat nagar hu Sang jammariak ndien hat nhan 1 dan saong Sang mac jammriak ndien hat nhan 2.

Yau ye xa Vĩnh Hải, huyen Ninh Hải, dalau ieu lac labik masuk CK19 urak ini jeng labih hadah gah ngak mbang tasik saong jirah, mek hu tanut chuan xa ngak nong barau tui pakat glaong. Mbaok tasik gheih ghang, dom labih brei jirah main, bein danui nho trak baoh daok pachreih urang jirah.

Muk Cao Thị Thủy, bangsa Raglai daok di xa Vĩnh Hải khan mayai lac: "Meng kan dahlau, ceik Núi Chúa ieu lac baoh sang di urang bangsa Raglai, gam saong labik masuh. Ong Mei amek ame drei tame ngak cach mang, sa hatai taong khamang. Urak ini rai diuk mbang ngui di bhap bini rahra karo jang dahlau kayua hu karja daong saong patagok jirah bhap bini jammaah.

Jalan nao 50 padang saong patagok ba Ninh Thuan meng bhum palei kathaot jeng sa labik hu patagok kinh te cambac lac. Thun 2024, GRDP di Ninh Thuan tagok 8,74%, dang di yang ka 4/14 di bhum palei tapen tasik kreih nagar saong 16/63 tinh, ban di dalam nagar. Ninh Thuan jeng ieu lac sa labik yau ye gilang praong pamanek nang luong tai tao di Viet Nam, jhul khang patagok ngak mbang pala drak, rong glang kaya nong tui ngak kong barau saong ba jirah jeng sa bruk ngak mbang siam. Tinh daok caik hatai peih ngak barau, pasiam gah harak gar hanh chinh, pasalih pandar lek taka so jeng ye patagok karo kajap.

Bruk salih barau di bak bhum masuh matak dalau di Ninh Thuan harei ini brei thau hatai kham marat, yakyum jum pataom di Ndang bo, karja saong bhap bini dalam tỉnh. Hatai kakmang dan saong yaom kaom sajarah praong glaong miat miat jeng prein khang brei ka Ninh Thuan daok uak drei tagok di abap patagok bahrau di taneh ia nagar./.