Ben Tre ieu lac sa labik “taneh tukik, manuac urang ralo” tui urang pataom gauk daok biak glaong labaih 1,3 trieu bhap bini. Kein lagaih di Ben Tre hu 65 km jalan mbaok tasik nao tapa 3 huyen: Bình Đại, Ba Tri, Thạnh Phú, meng lawik mai ka oh roh duah bih kein lagaih di nyu. Di dalam labaih 4 thun blaoh, Ben Tre ngak dan haong daok ngak dom danak dak, bruk ngak brei ieik tui tpak tasik yau ye: brei ngak 4.000 ha hadang ngak kong glaong 3 huyen tapen tasik. Tal ini, tỉnh jeng brei palao hadang raong di labaih 3.400 ha hu jaik 86% tui dalam caong khin dalau, kuria mboh hadang raong mada mek hu labaih 160.000 tan. Ong Khổng Minh Tặng akaok UBND xa Bảo Thạnh, huyen Ba Tri lac:

          "Bảo Thạnh ieu lac sa di dalam xa pasak di tinh di dalam danak dak patagok 500 ha taneh raong hadang cong nghe glaong. Dom thun blaoh tapa hadang praong tagok siam lagaih. Dalam thun 2024 taneh raong jeng khik kajap, urak ini daok raong labaih 100 ha hadang, urak ini yaom hadang mada trun tagok bien jang tui dalau”. 

          Piah patagok bruk ngak ini, tinh Ben Tre  mada daong buh jien tame labaih 544 ti dong brei ngak dom gigah di dom huyen tapen tasik yau ye ngak jalan mbak, jalan gom ndien, catua, ribaong kraong. Halau ia taba ka gah tasik, di tinh Ben Tre biak kurang. Kayau yau nan ye barau di ini, Ben Tre kuria brei ngak dom danak dak jalan iai, balai ramik mbaok ia. Tagok angan dalam nan hu Danak dak padang ngak danao ia taba Lạc Địa, huyen Ba Tri bih jien buh tame labaih 352 ti dong, hu labik padang sang daok, hu bein phun kayau, hu dom janih main jirah ka urang mai ieik mai padeih padei. Ong Hà Chí Chức, Phaok Akaok UBND xa Phú Lễ mboh chreih sambai:

           “Ini lac danao hu angan biak praong, nyu mada daong brei iai ka abih dalam huyen Ba Tri oh taeng ka Phú Lễ ini. Daok di palei mboh kein lagaih brei patagok bruk ngak mbang kinh tế.

          Barau di ini, mai meng phun jien di gilang pakat Nagar haong gilang jien pakat tinh, Ben Tre brei ngak danak dak catua Ba Lai 8 mek tapa kraong Ba Lai pambuak 2 huyen tapen tasik lac Bình Đại haong Ba Tri. Ini lac janih bruk ngak di dalam danak dak Jalan tapen tasik pambuak meng banraya Ho Chi Minh tal Ca Mau, tapa Kien Giang… Ong Trần Ngọc Tam, Akaok UBND tinh Ben Tre lac:

          “Kol hulin dahlak hu ieik brei patagok tui jalan tapak tasik Timur, dalam nan hu danak dak mek tasik labaih 50.000 ha. Ini lac hatai khin ngak yau habar brei ka Ben Tre drah patagok di masa tuk wak meng anak. Hulin dahlak caong khin dom urang buh jien tame Ben Tre jeng ye hu labik uak rup tame tasik ini. Hulin dahlak jeng caong khin tapa dom urang buh jien tame, Ben Tre mada uak rup tagok glaong tabiak atah, oh di dalam nagar blaoh daok atah tabiak dunya”.

          Patagok tui gah tasik Timur ieu lac jalan njauk, jalan dah krah di karja tinh Ben Tre. Min tapi jalan ini hu jeng ha oh, Ben Tre hu daong nagar uak rup tame jaman barau jaman taong abih bangsa Việt Nam di jalan padang jayah jak jeng chu nghia xa hoi", njauk hu hatai ieik glang daong kuria di pakat Nagar, dalam nan hu jien buh tame ngak danak dak pakat palei pala hạ tầng gam haong dom janih, sarak njauk lagaih; daong barei patagok kinh te - xa hoi di labik hu kaya mada ilamu urang ngak bangsa cach mang nagar daok ralo kan kanadah, susah./.