Binh Duong daok dang akaok taneh ia ka bruk dui pachreih jien buh tame dalam saong langiu negar, rik tame 8,6% taong abih jien buh tame meng negar langiu di taneh ia. Bruk dui pachreih ini mai meng rilo gah buh jien pakat dunya hu 65 negar saong bhum taneh daok ngak bruk di ini. Dang akaok di nyu hu Dai Loan (Trung Quoc), japon saong Singapore. Tal ini, Binh Duong dui pachreih hu 4.399 danak dak FDI, taong abih phun jien buh tame tut angan labaih 42,4 ty USD. Binh Duong daok ieu lac sa labik mai siam gheih di dom gah buh jien dalam taneh ia saong taong abih phun jien buh tame hu 807.000 ty dong.

Piah jeng sa labik dui pachreih jien buh tame, Binh Duong hu pasiam alam langik laneing lanoi hacih sa-at, tantu cambaih laih sarak karja; pambuak jalan mbak saong ban raya Ho Chi Minh saong dom pabah lamnge, kapal ahaok par; dom urang ngakbruk hu paglaong ilamo saong caik dahlau bruk buh tame karrja jamraik ndien tu.

Ong Phan Xuân Đạt, Phaok Akaok kapul Urang ngak mbang umo dam dara tinh Binh duong taong yaom glaong dom kham merat di tinh dalam bruk peih ngak karja ndien tu, langyah dom asal kadha gah hukum ka gah ngak mbang pablei salih saong peih praong dom labik.

 “Binh Duong hu jhul khang salih bahrau harak gar jabat karja hanh chinh,  dui katut tukvak pabak harak brei buh jien, langyah dom asal kadha hu pambuak tal hukum ka gah pablei salih. Gam di nan ba tabiak rilo sarak ka jien je, jien brei mesraiy, daong gah ngak mbang pablei salih hu mesraiy jien laba lap. Kayua bruk ini daong ka dom gah ngak mbang pablei salih, abih di nyu nan lac gah ngak mbang pablei salih gap mbiah saong sit patakik naong trak ka jien padai.”

Binh Duong daok ba tabiak jalan kuhria ka cakrok patagok GDP, mek hu meng 10,5% ba tagok dalam thun ini. Piah ngak lagaih bruk ini, tinh hu ba tabiak dom tanut cambaih laih ka GRDP kuhria tui yaok akaok manuac urang, kim ngạch pablei tabiak, blei tame, taongabih jien buh tame grauk dalam xa hoi, jien tame jien tabiak dalam kadung jien, padang peih mbang ngui saong dui pachreih phun jien FDI.

Patui bruk cakrok patagok saong dui pachreih “ciim kalang” mai buh jien tame, tui dom gah ngak mbang pablei salih, Binh Duong brei hu dom bruk patagok samar drah bahrau dalam bruk meraik gauk catang di dom bhum palei. Bruk buh jien khang tame ngak ha tang jalan mbak sang danaok piah patagok bruk pambuak bhum saong patagok samu gauk meng gah Meraong tal gah Barak lac bruk biak njauk ngak. Binh Duong brei peih praong do labik ngak kong, padang saong jitvu; salah blaoh thể chế; paglaong siam lagaih bruk pasang iek, salih bahrau hatai sahneng ka padang saong salih bahrau gah harak gar hanh chinh. Ong Phạm Văn Xô, Akaok kapul Pablei tabiak blei tame di tinh ndom meyai lac: "Salih bahrau harak gar jabat hanh chinh ieu lac asal kadha hu makna piah Binh Duong patui bruk cakrok dua lek taka so. Brei hu dom sarak hu jalan kuhria piah ka gah ngak mbang pablei salih hu jalan piah ngak bruk. Binh Duong brei ngak tabiak dom bruk cakrok patagok bahrau, abih di nyu dalam nan ieu lac hu bruk buh ien tame ngak ha tang, brei kein lagaih ka gah ngak mbang pablei salih dalam bruk ngak mbang saong pablei ndap nda."

Piah paglaong ha tang jalan mbak, Binh Duong daok jhul khang bruk roh duah saong patagok rilo danak dak hu makna. Dalam nan, naih gheih abih di nyu ieu lac jalan pasei pambuak tapak saong Ban raya Ho Chi Minh, ba mai kein lagaih rilo abih ka bruk pajeng ndap nda. Langiu di nan, dom jalan tapen vil taom dar ka 3, Vanh dai 4 saong jalan peih samar Ban raya Ho Chi Minh – Thủ Dầu Một – Chơn Thành jeng daok hu samar drah padang ngak, pagun ngak jeng jalan pambuak dom labik bahrau.

Tuk salah blaoh, dom danak dak ini oh lac sa janih dui katut tukvak pajeng, blaoh daok peih tabiak kein lagaih ka pambuak bruk pablei salih praong, pambuak Binh Duong saong dom kapal ahaok par, pabah lamnge bambang tasik saong pasak kinh te praong saong Ban raya Ho Chi Minh./.