Po Riyak lac angan Yang ginreih hu urang Cam iek prong saong pok kakuh di jaik abih dom palei Cam Ninh Thuận. Manuac sia daok iew ong lac Po riyak tasik. Kayua yau nan ye adat cúng yang riyak tasik atau daok hu iew lac adat cúng Po Riyak. Adat cúng hu peih ngak di akaok thun bahrau.

Pandap piah cúng hu: baoh kayau, alak, ndiuk, la-u, saradang, baoh menuk, hala paneng, gia vị; alat ragam hu: chiêng, lục lạc, Ginăng, Baranưng, Saranai saong janih pandap oh kurang hu nan lac gai vah. Adat cúng Po Riyak hu peih ngak tui adat ngak Rija Po nai kayua dom ong Mâduen, Ka-ing saong dom urang ma-in alat ragam peih ngak. Peih akaok, ong Mâduen đọc kinh daok ong Ka-ing ngak lễ. Hadei di nan, ong Ka-ing peih ngak adat tamia tượng trưng ngan haong gai vah gam haong bruk hòa tấu di dom urang taong ginang, yuk saranai, daok mikva dalam palei angui cuk khan ao meng kan jak gauk kakuh likau, caong khin hu Po Riyak pacang khik saong ba brei patuah jamo dalam thun bahrau. Daok amuk Quảng Thị Lộ daok di huyện Thuận Nam, tỉnh Ninh Thuận ye caong khin dalam akaok thun bahrau tuk halei jengsiam mekre, salamat. 

  Yaom lac harei ini urang Cam oh daok nao tasik atau pablei salih angaok tasik yau meng kan min hatai jia tame Po Riyak - yang tasik di urang Cam jeng daok tamo. Tui ong Châu Văn Huynh, urang buh pren yava tabiak labaih 10 thun roh duah ilamo bangsa Cam, ye kayua dalam tuk daok saong cakrok patagok, urak ini bhap bani Chăm Ninh Thuận daok ralo di bhum taneran, oh daok nao tasik; min dalam akaok saneng, hatai ranam bhummi, taneh riya di bhap bani Cam tuk halei jeng pamong tal pulao tasik anit ranam. Dom rai rah dam dara urang Cam halar hatian tagok jalan nao khik iek pulao tasik, dom taha dalam palei Cam jeng hu tabiak nao rivang pulao tasik Trường Sa, blaoh mai veik dom palei Cam khan brei ka anek taco thau ka Trường Sa, Hoàng Sa, piah khik hamiat hatai ranam ngan haong pulao tasik.

Adat cúng brei mboh  ilamo meng kan gheih mekre dalam hatai jia di bhap bani Cam jeng daok hu bhap bani khik ramik. Oh lac yau nan, bruk peih ngak adat  cúng thần riyak tasik daok hu makna caong khin ka pulao tasik di palei negar drei tuk halei jeng siam mekre sron mbon anak riyak angin, brei mboh hatai gul pataom bhap bani dom bangsa tuk halei jeng pamong tal pulao tasik anit ranam di Negar./.