Diuk pasang hu adat ngak suan bruk sa hadiuk

Ndom ka bruk ngak suan adat hukum ka bruk lakhah caga, diuk pasang hu adat brei klaak gauk saong ngak suan bruk sa hadiuk, sa pasang, phạt jien meng 3-5 triệu đồng ngan haong sa dalam dom kadha hadei ini:

Daok hu hadiuk atau daok hu pasang bo daok ngak lakhah haong urang karei, oh ka hu hadiuk atau oh ka hu pasang bo ngak lakhah haong urang bo drei thau cambaih urang nan daok hu hadiuk atau daok hu pasang.

Daok hu hadiuk atau daok hu pasang bo daok haong gauk yau hadiuk pasang haong urang karei; oh ka hu hadiuk atau oh ka hu pasang bo mbang ndih haong gauk yau hadiuk pasang haong urang bo drei thau cambaih lac daok hu pasang atau daok hu hadiuk.

Ngak lakhah atau mbang ndih haong gauk yau hadiuk pasang di urang dahlau daih lac ame, amaik raong haong anek raong, ame di pasang saong anek metau kumei, amaik di hadiuk haong anek metau likei, ame hamam haong anek karei di hadiuk, amaik hamam haong anek karei di pasang.

Pacang cakak ngak lakhah, ndok rilo drap ar dalam ngak lakhah atau pacang cakak diuk pasang klaak gauk tui adat

Sarak tacei tabiak yaom phạt jien meng 10-20 triệu đồng ngan haong sa dalam dom bruk hadei ini:

Ngak lakhah atau mbang ndih haong gauk yau hadiuk pasang di dom urang hu sa darah haong gauk atau di dom urang hu talei but pajaih dalam klau rai.

Ngak lakhah atau mbang ndih haong gauk yau hadiuk pasang di ame, amaik raong haong anek raong, kateik ngak lakhah atau bleik saliek dalam bruk ngak lakhah.

Kateik diuk pasang klaak gauk atau bleik saleik dalam bruk diuk pasang klaak gauk

Pagam pambak tame bruk ngak lakhah piah nao tabiak negar langiu, tame negar, daok veik, tame quốc tịch Việt Nam, quốc tịch negar langiu.

Piah hu mbang tui bruk ưu đãi di Karja atau piah mek hu bruk daok caong karei bo oh njauk bruk tok hadiuk tok pasang.

Pagam pambak tame bruk klaak gauk piah nduac plaih nghĩa vụ drap ar, ngak suan sarak, adat hukum gah dân số atau piah mek hu bruk daok caong karei bo oh daok dalam bruk diuk pasang klaak gauk tui adat./.

Urang lang: Jasi – 24/11