Blŭ hrăm ti anôk bi kƀĭn, Khua Êpul Gơ̆ng bruă ƀuôn sang ƀuôn prŏng Hà Nội Nguyễn Ngọc Tuấn, êpul hgŭm phung khua kiă kriê Êpul gơ̆ng bruă ƀuôn sang ƀuôn prŏng mâo nanao klei ksiêm duah, mă klei hriăm, hdră ngă bruă hŏng klei tŭ dưn mơ̆ng anôk bruă kƀĭn ala, mơ̆ng dhar bruă gĭt gai bruă kƀĭn ala, ksiêm dlăng hdră mă bruă mơ̆ng dŭm čar, ƀuôn prŏng čiăng lŏ dơ̆ng mlih mrâo, hyuă hĭn klei ksiêm dlăng hŏng klei mbruă, klei kpă, klei kreh knhâo, ksiêm bi nik jih jang mta mtrŭn mơ̆ng hdră bhiăn, lehanăn klei jing ti ƀuôn prŏng ară anei, kñăm mghaih msir djăp mta boh klei.

“Hà Nội mâo leh mta mtrŭn kơ jih jang klei bhiăn mă bruă, čiăng dưi ksiêm, kñăm mâo klei bi mlih jăk mơ̆ng dŭm dhar bruă, anôk ksiêm dlăng, lehanăn mghaih msir bi jih djăp mta bruă adôk ka djŏ. Hlue ngă jih jang klei bi mklă, mâo ksiêm leh ăt jing ênoh čưn čiăng kơ dŭm êpul bi ksiêm wĭt bruă phung knuă druh ngă bruă bi mklă bruă bi ktưn, lehanăn pah mni”.

Dôk bi mĭn kơ bruă bi tuôm hŏng phung ƀupôn sang ăt dôk ngă nanao tui si klei bhiăn hđăp, mñă wĭt mñă nao, Khua bruă Đảng Long An, Khua Êpul gơ̆ng bruă ƀuôn sang Nguyễn Văn Được lač kơ boh sĭt bruă bi tuôm hŏng phung ƀuôn sang, anăn jing: Êlâo dih, bruă bi tuôm hŏng phung ƀuôn sang mơ̆ng phung bi ala bruă kƀĭn ala, phung bi ala Êpul gơ̆ng bruă ƀuôn sang gưl čar, lehanăn kdriêk să mâo mkŏ mjing hjăn. Klei anei luič liê măng ai:

“Wưng păn bruă anei, êpul khua kiă kriê Êpul Gơ̆ng bruă ƀuôn sang čar Long An bi mklă leh mâo klei bi mguôp mbĭt jih jang bruă bi mtuôm hŏng phung ƀuôn sang. Msĕ snăn, čiăng đru mdul mơh kơ ênoh bi liê hlăm bruă mkŏ mjing, lehanăn kăn luič lu hrue mmông rei. Klei anei msâo leh lu phung ƀuôn sang tŭ ư”.

K’iăng khua Êpul gơ̆ng bruă ƀuôn sang ƀuôn prŏng Đà Nẵng Nguyễn Thị Anh Thi lĕ lač, ƀuôn prŏng Đà Nẵng lông bi hmô leh dŭm hdră êlan mkŏ mjing bruă sang čư̆ êa hlue hŏng hdră mtrŭn mơ̆ng bruă kƀĭn ala, mơ̆ng anăn, 8 boh kdriêk čar, lehanăn 45 boh ƀuôn hgŭm amâo lŏ mâo ôh Êpul gơ̆ng bruă ƀuôn sang. Kyuanăn yơh, bruă bi tuôm hŏng phung ƀuôn sang hŏng klei mkŏ mjing ară anei jing hlue hdră êlan mơ̆ng bruă sang čư̆ êa ƀuôn prŏng mâo bi mlih leh jăk:

“Bruă bi tuôm hŏng phung ƀuôn sang hŏng hdră êlan mkŏ mjing hlue gru bi hmô bruă sang čư̆ êa mrâo. Êdah êdi kơ anei jing Êpul gơ̆ng bruă ƀuôn sang ƀuôn prŏng đuič mkŏ mjing hlăm 3 hdră Êpul hgŭm bruă ƀuôn sang hŏng mnuih ƀuôn sang. Mơ̆ng anăn djăp mta bruă jing ktrŏ, mjêč hlăm ƀuôn prŏng pral mâo klei mđing lehanăn mghaih msir, djŏ hŏng klei phung ƀuôn sang čiăng”.

Blŭ hrăm ti anôk bi kƀĭn, Khua bruă kƀĭn ala Vương Đình Huệ lač, thŭn 2022, Bruă kƀĭn ala, Knơ̆ng bruă mặt trận čar kwar dŭm êpul bruă hlăm anôk bruă kƀĭn ala, Êpul Gơ̆ng bruă ƀuôn sang dŭm gưl bi mlih mrâo, mđĭ hĭn boh tŭ bruă ngă wăt hlăm klei mkŏ mjing hdră bhiăn, bi mklă jih jang dŭm bruă prŏng hlăm lăn čar lehanăn alŭ wăl. Thŭn 2023, Khua bruă kƀĭn ala Vương Đình Huệ mtă leh kơ Êpul gơ̆ng bruă ƀuôn sang dŭm čar, ƀuôn prŏng ngă jăk jih 6 bruă čuăn phŭn, hlăm anăn ksiêm duah, bi mlih, thiăm mbŏ hlue ngă bi kjăp jih jang hdră êlan mrâo mơ̆ng Đảng, knŭk kna, boh nik hdră mtrŭn mơ̆ng bruă kđi čar kơ klei mđĭ kyar bruă duh mkra ala ƀuôn dŭm krĭng. 

Mkŏ mjing jih jang bruă kăp ksiêm hlăm thŭn 2023 bi djŏ guôp, hŏng klei kjăp, lehanăn tŭ jing, ngă bi kjăp jih jang bruă ksiêm hlăm alŭ wăl, boh nik bruă bi kdơ̆ng hŏng klei ƀơ̆ng ngăn, klei bi liê hơăi mung mang. Boh nik, thŭn 2023, bruă kƀĭn ala lehanăn Êpul gơ̆ng bruă ƀuôn sang srăng mkŏ mjing klei mplĕ hră amâo mâo đăo knang hŏng phung ngă bruă mâo bruă kƀĭn ala lehanăn Êpul gơ̆ng bruă ƀuôn sang ruah. Phŭn bruă kđi čar mâo leh hdră mtrŭn mrô 96 kơ bruă mplĕ hră đăo knang hŏng phung khua kiă kriê hlăm jih jang bruă kđi čar.

“Mtă kơ Êpul gơ̆ng bruă ƀuôn sang mkŏ mjing bi jăk hdră trŭn mrô 96, dŭm hră mơar mơ̆ng bruă kƀĭn ala, Dhar bruă gĭt gai bruă kƀĭn ala hŏng klei thâo săng ngă bruă mplĕ hră đăo knang jing bruă yuôm bhăn, jing boh phŭn, mơ̆ng anăn bi mkŏ mjing hdră êlan ngă bruă hŏng dŭm hdră năng dưi ngă, hŏng klei klă mngač, đăm lĕ hlăm klei ngă mă khă kơ leh, ngă amâo mâo sĭt”.

  Êpul gơ̆ng bruă ƀuôn sang bi mâo bruă klam yuôm bhăn hlăm klei kiă kriê ti alŭ wăl hlue hŏng hdră êlan ênuk mrâo, ngă bruă hŏng klei tŭ jing, mđing kiă kriê kơ klei đĭ kyar, rơ̆ng thâo mpŭ sĭt kơ hdră bhiăn phŭn, lehanăn hdră bhiăn, mđĭ hĭn klei doh mngač, jih jang bruă mâo mnuih ƀuôn sang thâo lehanăn kăp ksiêm, mâo klei ngă phŭn djŏ hŏng ênuk mrâo kreh knhâo hlăm ai tiê jing ngă bruă kơ phung ƀuôn sang, lehanăn mjing klei jăk găl kơ phung duh mkra mnia mblei./.