Klă klơ̆ng, dŭm mta phŭn mkra mlih, mbŏ hlăm hră čih hdră bhiăn tal anei kñăm pŏk mlar, mđĭ klei tŭ dưn kơ mnuih mă bruă, iêô jak mnuih mă bruă blei hră ênua ala ƀuôn, rơ̆ng klei dưi jăk hĭn kơ phung mă bruă hlăm hdră mă bruă ăt msĕ mơh leh mdei jih thŭn mă bruă.

Tui si mta mtrŭn mơ̆ng hdră bhiăn hră ênua yang ƀuôn ară anei, hlei pô blei hră ênua yang ƀuôn mâo leh 35 thŭn hŏng êkei, lehanăn êbeh 30 thŭn hŏng mniê snăn leh truh jih thŭn mă bruă, êngao kơ prăk mlan leh wĭt mdei, srăng lŏ dưi ƀơ̆ng sa ênoh đru kơ sa blư̆ leh truh hrue wĭt mdei kơ wưng leh mâo mguôp kơ hră ênua yang ƀuôn êgao kơ wưng kčah mtrŭn hŏng ênoh dưi ƀơ̆ng prăk mlan lu hĭn jing       75%. Msĕ si, kơ ênoh dưi dưn klei đru mă hlăm sa blư̆ jing: Hlăm sa thŭn mâo êbeh, srăng dưi tĭng hlăm brô 0,5 ênoh kah knar prăk mlan.  Nguyễn Duy Cường, k’iăng khua anôk bruă ênua yang ƀuôn, hlăm phŭn bruă mnuih ngă bruă phung knap mñai brei thâo:

Hŏng mta mtrŭn ară anei, snăn mâo ti dŭm êpul êya, hlăm đa đa phung duh mkra, tơdah mâo mnuih leh truh thŭn wĭt mdei, lehanăn digơ̆ mâo thŭn mlan mguôp kơ hră ênua yang ƀuôn ti hnơ̆ng kdlưn hĭn jing 75%, snăn nô năng dưi leh diñu mdei mguôp hlăm ênoh hră ênua, lehanăn dưi leh ngă hră mơar ƀơ̆ng prăk mlan leh wĭt mdei, hŏng anôk bruă ênua yang ƀuôn. Leh kơ anăn arăng lŏ dơ̆ng hgŭm tĭng kơ prăk ênua kyua mâo klei mblang lačdah mguôp truh ti hnơ̆ng anăn 75% leh jing djăp leh kơ klei dưi ƀơ̆ng prăk mlan leh wĭt mdei. Snăn wĭt mdei dưi leh, bi tơdah ăt lŏ čiăng dôk mă bruă snăn lŏ dơ̆ng ngă klei kuôl kă mă bruă. Sitôhmô, hŏng mta čuăn ară anei mâo leh hlăm hdră êlan bruă ênua yang ƀuôn  čoh čuăn truh kơ bruă čiăng mđi ai hŏng phung djăp leh ênoh prăk tĭng kơ mlan leh wĭt mdei, ƀiădah lŏ čiăng dôk ngă bruă, snăn lŏ dơ̆ng bi mguôp mơh hŏng bruă ênua yang ƀuôn.

         Kơ ênoh čuăn bi hrŏ ênoh thŭn mguôp hŏng hră ênua yang ƀuôn ƀiă êdi dưi dưn prăk mlan leh wĭt mdei jing mâo mguôp mơ̆ng 20 thŭn trŭn truh 15 thŭn, snăn mâo leh lu mnuih dôk mđing êdi. Nguyễn Duy Cường brei thâo, mta mtrŭn anei kñăm mjing klei găl kơ phung hnui mguôp hŏng bruă ênua yang ƀuôn msĕ si mơ̆ng 45 – 47 thŭn, mphŭn dơ̆ng bi mguôp, amâodah hŏng phung amâo mâo jêñ jêñ hlŏng t4ruh kợih thŭn mă bruă, ksŭn jih jang ka truh mơh 20 thŭn mguôp hŏng bruă ênua yang ƀuôn ăt srăng dưi ƀơ̆ng prăk mlan leh wĭt mdei mơh; bi êlâo dih phung msĕ snăn amâo mâo dưi ƀơ̆ng prăk mlan leh wĭt mdei ôh, ƀiădah ară anei dưi mâo, bi klei čoh čuăn kơ hnơ̆ng prăk mlan leh wĭt mdei srăng mâo knŭk kna tĭng mkă, lehanăn hlăm wưng dưi dưn prăk mlan leh wĭt mdei srăng mâo keh bruă ênua yang ƀuôn blei brei hră ênua klei mdrao mgŭn.

Kñăm mđĭ ai mnuih mă bruă srăng lŏ dơ̆ng blei mơh hră ênua yang ƀuôn leh wĭt mdei, jing kñăm lŏ mđĭ ênoh prăk mlan leh wĭt mdei, lehanăn lŏ mđĭ klei tŭ dưn kơ mnuih ngă bruă, đru bi răng mgang kjăp hĭn kơ mnuih mă bruă, klei čih mkra hdră bhiăn bruă ênua yang ƀuôn lŏ mlih mrâo mâo leh lu klei blŭ, hŏng 2 mta hdră êlan dôk kñăm, kơ klei bi mlih, thiăm mbŏ mta mtrŭn kơ klei đru sa blư̆ leh wĭt mdei bruă, pioh mđĭ ai mnuih mă bruă lŏ dơ̆ng blei hră ênua yang ƀuôn leh wĭt mdei dưn. Tal 1 jing: Ênoh kơ sa blư̆ leh wĭt mdei dưi tĭng yap hlue si thŭn mlan bi mguôp hŏng hră ênua yang ƀuôn, jing kdlưn hĭn hŏng thŭn yap dưi ƀơ̆ng prăk mlan leh wĭt mdei 75%, snăn hlăm grăp thŭn mâo bi mguôp kơ hră ênua yang ƀuôn snăn dưi tĭng yap jinhg knar hŏng 0,5 blư̆ ênoh kah knar prăk mlan, mjing knơ̆ng anôk mkă pioh mguôp hŏng hră ênua yang ƀuôn.

        Hdră êlan tal 2 čoh čuăn: Ênoh đru kơ sa blư̆ leh wĭt mdei mâo tĭng mkă hlue hŏng thŭn mlan bi mguôp hŏng bruă ênua yang ƀuôn jing kdlưn hĭn hŏng thŭn čoh čuăn dưi dưn truh ti hnơ̆ng mâo ƀơ̆ng prăk mlan leh wĭt mdei jing 75%, snăn hlăm grăp thŭn srăng mguôp hŏng hră ênua bruă yang ƀuôn mâo mkă knar 0,5 blư̆ hŏng ênoh tĭng kah knar kơprăk mlan leh wĭt mdei mjing knơ̆ng kơ bruă lŏ mguôp hŏng hra ênua yang ƀuôn. Bi hŏng mnuih djăp leh klei găl dưi ƀơ̆ng prăk mlan leh wĭt mdei tui si ti mta mtrŭn mrô 71 lehanăn 72 mơ̆ng hdră bhiăn anei, ƀiădah ăt lŏ mguôp mơh hŏng bruă ênua yang ƀuôn, snăn hlăm grăp thŭn bi mguôp hŏng hră ênua bruă yang ƀuôn leh êgao thŭn wĭt mdei srăng kdlưn hĭn hŏng ênoh čoh čuăn, mka ti hnơ̆ng năng dưi dưn 75% ênoh prăk mlan, snăn dưi lŏ bi tĭng knar hŏng 02 blư̆ ênoh kah knar mơ̆ng prăk mlan mơ̆ng klei bi mguôp leh hlăm bruă ênua yang ƀuôn. Nguyễn Duy Cường, k'iăng khua anôk bruă ênua yang ƀuôn, mơ̆ng phŭn bruă mnuih mă bruă, phung knap mñai brei thâo:

        Hlăm klei dôk čih mkra hdră bhiăn ênua yang ƀuôn lŏ mlih mrâo, snăn năng ba mdah kơ dua hdră êlan lač, anăn. Hlăm anăn lŏ thiăm mbŏ kơ sa hdră êlan jing: Hŏng mnuih mă bruă čiăng lŏ dôk mă bruă leh truh thŭn wĭt mdei, snăn wưng lŏ bi mguôp hŏng hră ênua yang ƀuôn leh truh thŭn wĭt mdei, ƀiădah ênoh mguôp jing kdlưn hĭn hŏng ênoh čoh čuăn leh kñăm mâo ƀơ̆ng prăk mlan leh wĭt mdei ti 75% anăn, snăn hlăm 1 thŭn tơdah mâo mguôp jing êgao hĭn jing 2 mlan, nôn năng jing 0,5 prăk mlan msĕ hŏng ênoh čuăn ară anei. Hŏng mta mtrŭn anei jing kñăm čiăng mđĭ ai mnuih mă bruă lŏ dơ̆ng bi mguôp nanao hŏng bruă ênua yang ƀuôn leh jih thŭn mă bruă dưn. Bruă ngă anei, srăng đru kơ mnuih mă bruă tal êlâo jing: ba wĭt klei tŭ dưn jăk hĭn kơ mnuih mă bruă êjai lŏ mguôp hŏng bruă ênua yang ƀuôn, kyuadah êdei kơ anăn ênoh prăk mlan leh wĭt mdei srăng lŏ đĭ hĭn; tal dua êjai dôk mă bruă hlăm wưng leh jih thŭn mă bruă, snăn mnuih mă bruă ăt dôk lŏ mguôp hŏng hră ênua yang ƀuôn, snăn klei tŭ dưn kơ pô srăng mâo klei lŏ mđĭ hĭn, lehanăn ăt dưi dưn hlăm dŭm klei tŭ dưn mkăn, klei đru mkăn, sitôhmô djăp mta klei djŏ tuôm hŏng klei dju djuăm duam ruă rơ̆ng mâo klei mdrao mgŭn bi jăk mơh./.