- Akâo kơ Ih brei thâo, leh 5 thŭn pŏk ngă Hdră bruă 8, si ih ƀuh boh tŭ dưi mâo leh anăn klei hriăm mâo mơ̆ng hdră pŏk ngă hdră bruă ?

 Nguyễn Thị Minh Hương: Boh tŭ mơ̆ng Hdră bruă 8 mâo 9 hnơ̆ng kčah dưi ngă leh anăn êbeh mâo lu, boh nik mâo dŭm hnơ̆ng kčah mâo lu hĭn êbeh 200%. Adôk 5 hnơ̆ng kčah, hmei mĭn tĭng srăng mâo hlăm knhal jih thŭn 2025, jing jih wưng 1 srăng dưi mâo. Knŏng adôk sa hnơ̆ng kčah dleh dưi mâo. Klei anei brei ƀuh klei tŭ jing mơ̆ng hdră bruă, hŏng lu hnơ̆ng kčah dưi mâo leh anăn êbeh.

 Dŭm hnơ̆ng kčah mâo lu khăng bi mguôp hŏng êpul êya, si tô hmô gru hmô “Anôk đăo knang” amâodah dŭm Êpul hâo hưn mtô mblang êpul êya. Klei anei bi êdah klei mđing jăk mơ̆ng mnuih ƀuôn sang, klei đru leh dŭm bruă ngă mơ̆ng hdră bruă mâo klei tŭ dưn jăk hĭn. Sa hlăm dŭm klei thâo mjing klei tŭ jing hlăm wưng 1 mhdră bruă jing klei ngă bruă jih hnơ̆ng mơ̆ng dŭm gưl bruă sang čư̆ êa leh anăn mnuih ƀuôn sang. Klei mnuih ƀuôn sang ngă đru kơ dŭm bruă ngă hlăm hdră bruă djŏ guôp hŏng klei čiăng leh anăn klei digơ̆ čang hmăng, mơ̆ng anăn ăt đru hmei lŏ dơ̆ng mkra mlih dŭm bruaw ngă bi djŏ guôp hĭn”.

- Hlăm wưng 2026-2030 mơ̆ng Hdră kñăm ala čar, Hdră bruă 8 srăng mâo Si klei mkra mlih leh anăn klei mđing?

 Nguyễn Thị Minh Hương: “Ară anei, klei mkra mjing mơ̆ng Hdră kñăm ala čar ăt srăng mâo klei bi mlih. Khădah snăn,  Êpul hgŭm phung mniê Việt Nam ăt bi mklă bruă bi mguôp êkei mniê brei jing bruă ngă nanao hlăm jih dŭm bruă ngă mơ̆ng Hdră kñăm ala čar kơ klei mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng. Klei anăn jing, wăt tơdah mâo Hdră bruă 8 amâodah hơăi, dŭm bruă ngă ăt brei dưi lŏ bi mguôp hŏng klei jing êkei mniê.

 Si tô hmô, hŏng dŭm bruă ngă mđĭ kyar bruă duh mkra ala ƀuôn, ăt brei mâo dŭm gru  hmô đru mdê hjăn kơ phung mniê, msĕ si dŭm êpul hgŭm bruă să leh anăn anôk bruă duh mkra kyua phung mniê ngă khua. Amâodah hŏng dŭm bruă djŏ tuôm kơ klei kriê dlăng klei suaih pral, brei mâo dŭm boh phŭn mdê hjăn đru kơ phung mniê kơ klei suaih pral ƀă kkiêng anak, kriê dlăng phung amĭ leh anăn hđeh điêt. Klah čŭn, hmei ăt srăng mđĭ bruă bi mguôp phung mniê êkei hlăm jih jang bruă ngă mơ̆ng hdră bruă leh anăn mđĭ klei thâo kơ phung mniê ăt msĕ mơh phung knuă druh alŭ wăl"

-Lač jăk kơ ih lu!