Ară anei, phung hđeh yua internet leh anăn hla pŏk yang ƀuôn mơ̆ng hnưm. Hŏng klei hriăm hră mơar, hlăp lêñ amâodah online ngă kơ phung hđeh ênưih kah mbha rup, anôk dôk, sang hră amâodah lu klei hưn mkăn ƀiădah ka thâo săng ôh klei jŭ jhat. Klei năng mđing jing phung hđeh ênưih jing phung lĕ hlăm klei arăng mplư, duah čhuak klei dưi hjăn păn amâodah mă yua klei čih hưn kơ bruă amâo mâo jăk. Amâo djŏ knŏng phung hđeh, lu phung amĭ ama ăt mâo klei mưng mđung rup, leh anăn klei hưn mơ̆ng anak hlăm mạng yang ƀuôn ƀiădah ka ƀuh jih ôh dŭm klei arưp hgăm. Knŏng mơ̆ng sa pŏk rup čhum ao sang hră, pô mkăn dưi thâo anăn sang hră, anôk hdĭp leh anăn klei êrô êbat mơ̆ng hđeh. Hluê si phung thơ̆ng kơ bruă klei êđăp ênang mạng, dŭm klei čih hưn anăn dlăng hơăi mang ƀiădah ênưih mâo phung jhat mjhua.

Kyuanăn, klei čuăn kơ bruă răng mgang klei čih hưn phung hđeh hlăm Hdră bhiăn răng mgang klei čih hưn grăp čô mâo klei hmăi kluôm leh anăn dŭm êpul bruă, knơ̆ng bruă čiăng mđing hlăm klei hluê ngă. Luật sư Nguyễn Đức Long – pô mâo hră tŭ yap kơ klei hgăm leh anăn klei dưi hjăn păn klei čih pioh, mñă ktang:

Êjai phung hđeh mơ̆ng 7 thŭn kơ dlông čiăng mâo klei tŭ ư mơ̆ng phung hđeh leh anăn pô bi ala êjai hưn mdah klei hưn hlăm klei hdĭp, klei hgăm hjăn păn mơ̆ng hđeh. Tinei grăp čô bi mĭn jing hưn mdah kơ klei hdĭp hjăn păn, klei hgăm grăp čô hnơ̆ng anăn jing prŏng êdi. Dŭm klei anăn jing anăn, thŭn, rup, anôk dôk mơ̆ng hđeh…ăt dưi dlăng jing klei hưn hgăm kơ klei hdĭp hjăn. Siñê hră ênua pô dưi dưn jing phung hđeh, drei srăng yua dŭm klei čih hưn kơ klei hdĭp hjăn păn, klei hgăm hjăn păn, grăp čô srăng ksiêm dlăng klă čiăng ñĕ kơ klei ngă soh”.

Hluê si mta 24 mơ̆ng Hdră bhiăn răng mgang klei čih pioh grăp čô, bruă msir klei čih pioh grăp čô hđeh srăng djŏ hŏng hdră bhiăn mdưm boh tŭ dưn mơ̆ng hđeh jing mrô 1. Hŏng phung hđeh mơ̆ng 7 thŭn kơ dlông, êjai msir klei čih pioh  djŏ tuôm hŏng klei hdĭp hjăn, klei hgăm hjăn srăng mâo klei tŭ ư mơ̆ng hđeh leh anăn amĭ ama amâodah pô bi ala djŏ hdră bhiăn. Klei anei jing dŭm êpul bruă, knơ̆ng bruă amâodah tur knơ̆ng kdrăp mrâo amâodưi hrui mă ôh klei hưn kơ hđeh mplă mplia msĕ hŏng êlâo. Klei čuăn mrâo ăt brei ƀuh hdră bhiăn mđing truh kơ bruă răng mgang phung hđeh, mpŭ kơ klei dưi hjăn păn leh anăn klei blŭ mơ̆ng hđeh hlăm wăl anôk mrô.

Êngao kơnăn, hdră bhiăn răng mgang klei čih pioh grăp čô ăt mdưm mta kñăm lu hĭn hŏng knơ̆ng bruă hlăm bruă mkŏ mjing hdră hgăm, ksiêm dlăng, ăt msĕ mơh lăm lui klei čih pioh grăp čô. Phạm Hoàng Lâm –  Pô thơ̆ng kơ bruă răng mgang klei čih hưn brei thâo:

Klei bhiăn lač klă, klei čih pioh grăp čô leh dưi lăm klei bi klă amâo lŏ dưi dlăng jing klei čih pioh grăp čô ôh leh anăn amâo mâo dôk hlăm hnơ̆ng mkra mlih mơ̆ng hdră bhiăn anei. Hlue si hdră bhiăn, lăm lui klei thâo kral amâo djŏ jing klei bi mlih, lăm klei hưn čiăng mkŏ mjing klei čih pioh mrâo, ƀiădah mơ̆ng năn amâodưi bi klă amâodah mkŏ hŏng sa čô klă klơ̆ng. Leh ksiêm dlăng klă dŭm mta mơ̆ng Hdră bhiăn răng mgang klei čih hưn grăp čô thŭn 2025 leh anăn boh nik jing mta 14 djŏ tuôm hŏng klei lăm lui klei thâo kral, djŏ tuôm hŏng klei mĭn mơ̆ng hmei hdră bhiăn ăt mđing truh bi hgăm klei čih hưn, hrô kơ lăm lui klei thâo kral.

Hŏng klei čih hưn mơ̆ng phung hđeh - phung čiăng mâo klei răng mgang hĭn - bruă rơ̆ng kơ klei čih pioh hgăm jing yuôm bhăn hĭn, čiăng bi hrŏ klei êdah amâodah ba yua soh hdră bhiăn hlăm wăl anôk mrô. Dŭm klei mrâo anei brei ƀuh hdră bhiăn răng mgang klei čih pioh grăp čô dôk ƀrư̆ ƀrư̆ tŭ mă dŭm ênoh čuăn lu ala čar kơ bruă răng mgang klei dưi hjăn mơ̆ng grăp čô, hlăm anăn mâo klei uêñ mĭn hŏng phung hđeh.