Blŭ hrăm gĭt gai klei bi kƀĭn, Khua knŭk kna mñă mơ̆ng leh mkŏ mjing êpul kiă kriê, bruă mkra êlan êdeh treng mâo leh klei bi mlih jăk. Khua knŭk kna mtă kơ dŭm phŭn dhar bruă alŭ wăl mđĭ hĭn bruă klam, jhŏng mĭn, jhŏng ngă, ruh mgaih jih klei dleh kpăk hlăm bruă dôk mkra êlan êdeh treng.

Hŏng kdrêč êlan   Lào Cai – Hà Nội – Hải Phòng, lŏ ngă bi pral hĭn, lehanăn mâo dŭm hdră êlan ksiêm duah, čiăng mkŏ êlan lehanăn mkra kban êlan êdeh treng găn knông lăn, mbĭt anăn mâo klei čiu hnô jăk, wăt mkŏ mkra anôk dôk mrâo kơ mnuih ƀuôn sang. Hŏng kdrêč êlan Dưr Dhŭng lehanăn dŭm kdrêč êlan hlăm ƀuôn prŏng  Hà Nội, ɃP.HCM mbĭt hŏng bruă mkŏ dŭm êlan mkăn, Khua knŭk kna mtă brei mâo hdră klă mngač, mă bruă bi pral hĭn, rơ̆ng djŏ hŏng hdră kčah./.