VOV4.Jarai - Tlam lơ 20/3, Khua dêh čar ơi Phạm Minh Chính tŭ jum ơi Karthik Rammohan, Kơ-iăng khua Grup bơwih ƀong Lam Research (Mi) hăng khua pơ ala Kông ti Seojin (Hàn Quốc).

VOV4.Jarai-Kơ-iăng khua dêh čar ơi Trần Hồng Hà phrâo git gai jơnum mă tơlơi pơgôp hiăp kơ akŏ bruă “Hơdră pơđĭ kyar pơtô pơjuăt rơwang truh thun 2030, anăp nao thun 2045”.

VOV4.Jarai-Plơi prong Buôn Ma Thuột gir run pơgiong hăng mă yua hơdôm ring bruă phun amăng blan 11 thun anai, krĕp tal hơdor glăi 120 thun hrơi hrơi akŏ pơjing tơring čar Dak Lak.

VOV4.Jarai - Ding jum wai lăng gơnong glông phrâo hơmâo akŏ bruă pơphun jơlan hơdră mơ-it Khua dêh čar bưp hăng hiăp bit hăng ƀing hlăk ai thun 2024, ƀrô tal hơdor glăi 93 thun hrơi akŏ pơjing khul hlăk ai rơnuk Hồ Chí Minh (26/3/1931-26/3/2024).

VOV4.Jarai-Lơ 20/3/2024, ƀơi Ƀirô Ping gah, Khul apăn bruă Ping gah tal XIII hơmâo jơnum sem lăng, pơgôp hiăp kơ bruă brơi pơdơi ngă khua hăng ơi Võ Văn Thưởng, ding kơna ding jum kơđi čar, Ding kơna Khul apăn bruă Ping gah tal XIII, Khua mir sir dêh čar Việt Nam, Khua khul wai pơgang rơnuk rơnua rơwang thun 2021-2026.

VOV4.Jarai-Phrâo anai, grup hyu mă bruă mơ̆ng ding kơna Kơnuk kơna, yua ding kơna apăn bruă ping gah dêh čar, Khua ding jum pơtom hiăp ơi Bùi Thanh Sơn ngă khua grup hơmâo mông mă bruă hăng tơring čar Gia Lai. Boh yôm phun mă bruă pơdjơ̆ nao bruă ngă hmua pla pơjing, ming pơkra gơnam sĭ mơdrô, tuh pơ alin hăng man pơdong laih anun sĭ mơdrô hăng dêh čar tač rơngiao mơ̆ng tơring čar; pơtrut bruă pơkra ming hăng pôr pơthâo sĭ mơdrô gơnam tam hăng rup rap ƀơi tơring čar.

VOV4.Jarai - Tlam lơ 19/3, Khul apăn bruă Ping gah tơring čar Kon Tum pơphun jơnum klah čun kơ bruă pơjing Ping gah rơwang thun 2020-2025 hăng lăng glăi 15 thun ngă tui tơlơi pơkă mơng Ping gah rơwang thun 2011-2025.

VOV4.Jarai - Tlam lơ 19/3, Kơ-iăng khua dêh čar ơi Trần Lưu Quang tŭ jum Khua anom bruă ngă hrŏm jar kmar dêh čar Hàn Quốc (KOICA) Chang Won-sam glăk nao čuă dêh čar Việt Nam.

VOV4.Jarai-Tlam lơ 19/3, Khua dêh čar ơi Phạm Minh Chính hơmâo mông tŭ jum Khua anih jưh pơ ala dêh čar Lao hăng Hàn Quốc ƀrô hrơi 2 čô khua anih jưh rai mă bruă ƀơi dêh čar Việt Nam.

VOV4.Jarai-Mơguah lơ 19/3, ƀơi Hà Nội, Khua dêh čar ơi Phạm Minh Chính jơnum hrŏm bưp ƀô̆ mơta khul mơnuih ngă bruă sĭ mơdrô hơmâo prăk mơ̆ng dêh čar tač rơngiao tuh pơ alin FDI hăng jơnum bơkơtuai bruă sĭ mơdrô Việt Nam tơđar thun 2024 (VBF 2024), hăng akŏ ñu “Mơnuih ngă bruă sĭ mơdrô FDI kơsung nao hlâo ngă tui bruă pơđĭ kyar mơtah mơda”.