Pơhiăp ƀơi mông pok pơhai jơnum, Khua git gai pơ ala mơnuih ƀôn sang dêh čar ơi Trần Thanh Mẫn lăi, bruă mă mơ̆ng khul pơ ala mơnuih ƀôn sang ƀôn prong Hải Phòng mơ̆ng akŏ rơwang bruă truh ră anai, hơmâo lu tơlơi pơblih phrâo, pơčeh phrâo, pơđĭ tui boh tŭ yua amăng bruă mă tui anăp ngă jai hrơi tong ten, tŭ yua sik nik, hơmâo ba glăi boh tơhnal hiam.

Pơ anăp anai, Khua git gai pơ ala mơnuih ƀôn sang ơi Trần Thanh Mẫn rơkâo djop gưl anom bruă ping gah, gong gai kơnuk kơna, khul mơnuih mơnam mut phung pok pơhai ngă tui tŭ yua hloh Hră pơtrun jơnum ruah khua ping gah tal 13, hră pơtrun 16 mơ̆ng khua mua apăn bruă ping gah ƀôn prong Hải Phòng, Hră pơtrun jơnum lok 7 khua mua pơ ala mơnuih ƀôn sang dêh čar tal 15, lăi pơthâo tơhnal pơkă kơ bruă mă bơwih ƀong huă mơnuih mơnam, pơgang rơnuk rơnua, hơđong dêh čar. Ƀôn prong Hải Phòng pơtong rơđah, anih dŏ, bruă mă, anŏ gêh găl pioh pơtrut bruă mă bơwih ƀong huă hăng ngă tui rơgao tơhnal pơkă bơwih ƀong huă thun 2024. Djru hrŏm amăng dêh čar pơtrut pơđĭ kyar, ngă giong tơhnal pơkă bruă mă tui Hră pơtrun mơ̆ng anom bruă pơ ala mơnuih ƀôn sang dêh čar thun 2024.