Mrô mơnuih ƀă duăm đung drah ăt đĭ lu tui na nao đôč. Anom bruă gah ia jrao tơring čar Dak Lak hlăk kơtưn pel ĕp hơdôm anih hơmâo lu mơnuih duăm đung drah laih anun pơtrut bruă mă pôr tơlơi pơhing, pơtô pơblang pơhlôm tơlơi duăm anai. Tui hăng anom bruă pel ĕp tơlơi duăm ruă tơring čar Dak Lak, mơ̆ng akŏ thun truh ră anai, đơ đam tơring čar hơmâo čih pioh 4.400 čô mơnuih duăm đung drah, amăng anun hơmâo 2 čô mơnuih djai.
Mrô mơnuih ƀă duăm đung drah lu hloh lĕ amăng blan 8 hăng blan 9 phrâo rơgao giăm 4000 čô mơnuih duăm. Plơi prong Ƀuôn Ma Thuôt hăng tơring glông Čư̆ Mgar lĕ dua boh anih hơmâo lu mơnuih ƀă duăm đung drah hloh. Ƀơi anăp kơ tơlơi lar kơtang duăm đung drah ngă, anom bruă ia jrao tơring čar Dak Lak pơtrut bruă pôr tơlơi pơhing, pơtô lăi ngă hrŏm djop sang bruă kơnuk kơna brơi rơnăk rơgoh anih dŏ jum dar, pruih ia jrao ƀơi kual hơmâo lu mơnuih duăm, kiăng mač kman ană keč; akŏ pơjing khul ơi ia jrao gum hrŏm pơhlôm hăng pơgang klin pơsir mơtam ƀơi anih lu mơnuih duăm.
Viết bình luận