6 bôh pia bruă mă “Hlăk ai Kon Tum ba jơlan hlâo – thâo gơgrong – gum hrŏm hơbit – pơčeh phrâo – pơđĭ kyar”, Amăng 2 hrơi lơ 3 hăng lơ 4/10 ƀơi plơi prong Kon Tum pơphun Jơnum Khul pơlir hơbit hlăk ai dêh čar Việt Nam tơring čar Kon Tum tal 8, rơwang bruă 2024-2029. Nao pơhmư̆ mông jơnum hmâo 245 čô mơnuih pơ ala brơi rơbêh kơ 77.000 čô mơnuih amăng khul đơ đam tơring čar. Ngă tui pran jua ba jơlan hlâo, gum djru mơ̆ng hlăk ai, rơwang bruă rơgao hlăk ai Kon Tum djă pioh gru pơđom amăng lu bruă djru pơdŏng tơring čar Kon Tum jai hrơi jai hơđong hăng pơđĭ kyar.

Rơwang bruă phrâo 2024-2029, Khul pơlir hơbit hlăk ai dêh čar Việt Nam tơring čar Kon Tum pơsit hmâo ƀiă biă mă ñu 25 bruă djru hlăk ai djuai ania ƀiă pơgang, ngă tui gru grua bôh thâo djuai ania; 350 rơbâo wot čô mơnuih amăng khul, tơdăm dra gum hrŏm hơdôm bruă mă gum djru yua kơ hơdôm gưl khul pơphun... Jơnum Khul pơlir hơbit hlăk ai Việt Nam tơring čar Kon Tum tal 8, rơwang bruă 2024-2029 bơkơtuai ruah Jơnum min apăn bruă tal phrâo hmâo 35 čô mơnuih; bơkơtuai ruah amai Y Việt Sa, Kơ-iăng Khua git gai Khul hlăk ai tơring čar ngă Khua Khul hlăk ai Việt Nam tơring čar Kon Tum tal 8, rơwang bruă 2024-2029./.