Anai lĕ tơlơi pơhing hơmâo lăi nao amăng jơnum hăng ƀing čih tơlơi pơhing yua Jơnum min djop djuai ania mơnuih mơnam Việt Nam pơphun mơguah lơ 4/10. Hră pioh hơdor mơng Jơnum khua mua Jơnum min djop djuai ania mơnuih mơnam Việt Nam tal 10 hơmâo pơjing hluai tui hơdôm tơlơi črâo trun phrâo mơng Ping gah, tơlơi klah čun, lăng glăi tong ten bruă mă mơng Jơnum min dong mơng ƀon lan, mă tơlơi pơgôp hiăp mơng djop gơnong bruă, khul grup ding kơna hăng abih bang mơnuih ƀôn sang hăng hơdôm bruă phrâo hloh tui ră anai.
Kơ bruă ruah mơnuih apăn bruă mơng nao Jơnum, him lăng mrô Ding kơna amăng Jơnum min djop djuai ania mơnuih mơnam Việt Nam tal X lĕ: 405 čô (đĭ 20 čô pơhmu hăng jơnum tal IX). Amăng anun ruah glăi lĕ 249 čô (61,5%), ruah phrâo 156 čô (38,5%). Jơnum ăt pơplih pơkra hơdôm tơhnal pơkă mơng Jơnum min djop djuai ania mơnuih mơnam Việt Nam, amăng anun ngă rơđah bruă jao, tơlơi glăm ba mơng Khul khua git gai kơ pơphun hơdôm tơlơi pơplông khăp kơ lŏn ia pơhlôm abih bang, djop mơta.
Viết bình luận