Anai lĕ tơlơi pơhing phrâo lăi pơthâo ƀơi mông jơnum khua mua ping gah ƀôn prong Đà Nẵng lok 16, pơphun mơguah tom brơi, lơ 16/7. Pơhiăp ƀơi mông jơnum, ơi Nguyễn Văn Quảng, Khua git gai ping gah ƀôn prong Đà Nẵng lăi pơtong, hrŏm hăng boh tơhnal dưi ngă laih, tơlơi bơwih ƀong huă mơnuih mơnam ƀôn prong Đà Nẵng ăt dŏ lu tơlơi tơnap tap, kơƀah; hơdôm tơhnal pơkă, bruă mă tui Hră pơtrun hăng akŏ bruă amăng sa thun 2024, ngă tui aka ƀu hơmâo boh tŭ yua ôh.

Bruă pơhrăm mơnuih apăn bruă kơnuk kơna, pơmut mơnuih ping gah dŏ bưp lu tơlơi tơnap tap. Yap truh lơ 30/6/2024, abih bang amăng anom bruă ping gah hơmâo pơmut 854 čô mơnuih ping gah, ngă djop 1,39% mrô mơnuih ping gah mơ̆ng akŏ thun, dưm dưm hăng 46,4% tui hăng akŏ bruă. Ƀơi mông jơnum anai, anom bruă ping gah ƀôn prong Đà Nẵng ăt pơtum pơčrong sai hăng pơgôp hiăp kơ Kơčăo bruă dăp glăi anom bruă kơnuk kơna gưl tơring glông, să mơ̆ng thun 2023-2025 ƀơi ƀôn prong; akŏ bruă yua prăk tuh pơ alin kơ bruă čar thun 2025; Hră lăi pơthâo pok pơhai ngă tui pioh pơkă glăi, rek ling pơkă anom bruă ƀôn prong kiăng man pơdong dưi bong glăi hăng anŏ pơblih ayuh hyiăng lŏn tơnah; kơnang kơ hră lăi pơthâo pơƀut bruă mă yua prăk kăk Ping gah thun 2023 hăng anăp či mă bruă mă amăng thun 2024.