Pơ ala kơ Gong gai dêh čar, Khua dêh čar ta ơi Phạm Minh Chính djă pioh, bơni, pơsit yôm hơdôm bôh tơhnal mơ̆ hơdôm ding jum, gơnong bruă, tơring čar ƀôn prong hmâo gir run dưi ngă, biă ñu lĕ 11 ding jum, ƀirô hăng 35 bôh tơring čar, ƀôn prong hmâo mrô pơsir prăk hloh kơ rơnoh hơnong ñu mơ̆ng đơ đam dêh čar, biă ñu hơdôm tơring čar kual Tŏng krah dêh čar, gum hơgôp yôm phăn amăng pơđĭ kyar bơwih ƀong mơnuih mơnam hơdôm hrơi rơgao.

Khua dêh čar ta lăi rơđah, thun 2024 khom jing thun pơplih phrâo amăng pơsir prăk tuh pơplai bruă hrŏm, pơjing akô̆ phun gêh gal ngă giong hơdôm tơhnal pơkă pơđĭ kyar bơwih ƀong mơnuih mơnam thun 2024 hăng hrưn đĭ truh thun 2025, biă ñu lĕ 3.000 km jơlan đuăi hmar. Khua dêh čar rơkâo ƀing Khua Ding jum, gơnong bruă, Khua Jơnum min mơnuih ƀôn sang gưl tơring čar đing nao ngă tui tơpă hơdôm Tơlơi pơtrun pơsit Gong gai, Črâo ba, Kông điêng mơ̆ng Khua dêh čar hăng hơdôm hră pơ-ar črâo ba mơ̆ng khua dêh čar kơ pơtrut pơpha, pơsir ngăn drăp tuh pơplai bruă hrŏm thun 2024./.