Lăng yôm pran jua gơgrong, ngă tui bruă mă mơ̆ng pô apăn akô̆ amăng git gai, črâo ba hăng pơphun ngă tui; “kơnong  kơ pơčrông sai ngă, ƀu pơčrông sai glăi ôh”; pel ĕp glăi na nao, pơtrut, hmao thâo hăng pơtlaih hơdôm tơlơi tơnap, tơlơi gun phrâo hmâo mơ̆ng rim rơwang bruă, biă ñu hơdôm rơwang bruă phun; pơplih phrâo bruă gơgrong truh rim mơnuih; lăng bôh tơhnal pơsir prăk mă yua lĕ sa amăng hơdôm gru than yôm phăn pioh pơsit rơnoh ngă giong bruă jao rim thun mơ̆ng khul grŭp, mơnuih bơdjơ̆ nao.

Pel ĕp glăi tŏng ten mơ̆ng bruă prăp lui rơwang bruă, jao prăk truh bruă dăp hơdră, juă nua, pơdŏng pơkra, hră pơ-ar pơsir prăk... hăng rim rơwang bruă. Ding jum wai lăng jơlan nao rai dŭ pơhiăng, hơdôm ding jum, gơnong bruă, tơring čar, ƀôn prong đing nao pok pơhai hơdôm rơwang bruă phun lŏn ia, pơlir kual nao hrŏm hăng tal bơkơtưn “500 hrơi mlăm pơsit pran prong, gir run prong bơkơtưn ngă truh kih hơdôm rơwang bruă jơlan đuăi hmar"./.